ზუგდიდის მუნიციპალიტეტში სოფელ ჭითაწყარის გზა რეაბილიტირდება
27.03.2019 / 27 მარტი 2019
ზუგდიდის მუნიციპალიტეტის ჭითაწყარის ადმინისტრაციულ ერთეულში, კოსტავას ქუჩაზე, გზის რეაბილიტაციის მეორე ეტაპის სამუშაოები მიმდინარეობს. სამუშაოების მიმდინარეობას ზუგდიდის მუნიციპალიტეტის მერის პირველი მოადგილე გიორგი შენგელია გაეცნო.
კოსტავას ქუჩაზე ეწყობა ასფალტო-ბეტონის საფარი. სამუშაოების დასრულების შემდეგ ჯამში რეაბილიტირებული იქნება 1928 მეტრი სიგრძისა და 6 მეტრი სიგანის გზა. გზასთან ერთად სანიაღვრე არხის მოწყობის სამუშაოებიც მიმდინარეობს.
ჭითაწყარის გზის რეაბილიტაციის პირველი ეტაპი 2018 წელს განხორცილედა.
გზის სარეაბილიტაციო სამუშაოებისთვის 998 116 ლარი იხარჯება.
