ზუგდიდის მერია “არაფერი მოქალაქეებზე მოქალაქების გარეშე” პროექტს განაგრძობს
19.03.2019 / 19 მარტი 2019
ზუგდიდის მუნიციპალიტეტის მერია განაგრძობს პროექტს ,,არაფერი მოქალაქეებზე-მოქალაქეების გარეშე“. პროექტის ფარგლებში მოსახლეობასთან შეხვედრები ამჯერად ნარაზენსა და შამადელაში ჩატარდა.
ახალი ინიციატივა, მერიამ მიმდინარე წელს დაიწყო და მიზნად ისახავს ადმინისტრაციულ ერთეულებში მოქალაქეებთან შეხვედრასა და მათ ინფორმირებას მოქმედ სოციალურ და ჯანდაცვის პროგრამებზე.
მერიის სოციალური და ჯანდაცვის სამსახურის მიერ, სპეციალურად პროექტისთვის შექმნილი მობილური ჯგუფი შეხვედრებს ყველა ადმინისტრაციულ ერთეულში გამართავს და მოსახლეობას მუნიციპალურ პროგრამებზე მიაწვდის ინფორმაციას, აგრეთვე, მოხდება არსებული პროგრამების მონიტორინგი და საჭიროებების ადგილზე იდენტიფიცირება.
პროექტის ინიციატივა მერიის სოციალური და ჯანდაცვის სამსახურს ეკუთვნის.
