ნინო ვიბლიანი სახალხო დამცველის მოხსენებას დაესწრო
საქართველოს სახალხო დამცველმა ნინო ლომჯარიამ საქართველოს პარლამენტის რეგიონული პოლიტიკისა და თვითმმართველობის კომიტეტის სხდომაზე ადგილობრივ თვითმმართველობებში ადამიანის უფლებათა დაცვის მდგომარეობის შესახებ მოხსენება წარადგინა. მოხსენების განხილვას სამეგრელო-ზემო სვანეთის სახელწიფო რწმუნებულის მოადგილე ნინო ვიბლიანი დაესწრო. ნინო ლომჯარიამ, სახალხო დამცველის 2017 წლის ანგარიშში ასახული რეკომენდაციების შესრულების საკითხზე იუსაუბრა.
მისი განცხადებით, მისასალმებელია ის ფაქტი, რომ ანგარიშის განხილვა პარლამენტის რეგიონალური პოლიტიკისა და თვითმმართველობის კომიტეტში ხდება.
„აქამდე, როდესაც ჩვენ ვსაუბრობდით თვითმმართველობების მიმართ განხორციელებულ რეკომენდაციებზე, თვითმმართველობის სახით პასუხს გვცემდა რეგიონალური განვითარების და ინფრასტრუქტურის სამინისტრო. დღეს შესაძლებლობა გვაქვს, რომ უშუალოდ თვითმმართველობებს მივაწოდოთ ინფორმაცია და ასევე მათგან მივიღოთ პასუხები, თუ რა ეტაპზეა აღნიშნული რეკომენდაციების შესრულება“ – განაცხადა ლომჯარიამ.
სახალხო დამცველმა ანგარიშის წარდგენის შემდეგ კომიტეტის წევრთა კითხვებს უპასუხა.
