ოჩამჩირის მოსახლეობა მტაცებელი ცხოველების ხშირი თავდასხმების გამო რაიონს ტოვებს
ოჩამჩირის რაიონში ადგილობრივ მოსახლეობას ტურა და მგელი შეესია. როგორც დე ფაქტო აფხაზეთის ე.წ “სახელმწიფო ტელევიზიის” კორესპონდენტი ოჩამჩირიდან იუწყება ბოლო დღეებში საავადმყოფოში მთაცებელი ცხოველებისგან დაკბენილთა რაოდენობამ საგრძნობლად იმატა.
ამავე ტელევიზიის ცნობით, ტურამ ოჩამჩირის ცენტრში, ჩამბას ქუჩაზე სკოლის მოსწავლე დაკბინა. მას ნაკბენი ხელის არეში არენიშნებოდა, რომელიც ადგილობრივ საავადმყოფოში მოათავსეს.
რაიონში მომრავლებული მტაცებელი ცხოველების ფაქტზე საუბრობს ოჩამჩირის ადმინისტრაციის უფროსი ბიაჩესლავ ჩირიკბაც. მისი თქმით, ოჩამჩირეში ამჟამად 34 ათასი ადამიანიდან ამჟამად მხოლოდ 4 ატასი ცხოვრობს. რაიონში ძირითადად გაველურებული მიდამოებია, სადაც ბუნებრივია მთაცებლების მომრავლებაც.
“რაიონი, სადაც აქამდე 34 ათასი ადამიანი ცხოვრობდა, ამჟამად მხოლოდ 4 ათასია დარჩენილი. გამომდინარე აქედან ბუნებრივია, რომ დაუსახლებელ ტყიან მასივებში მტაცებელი ცხოველები აფარებენ თავს.”-აცხადებს ჩირიკბა.
აფხაზური ტელევიზიის ცნობით, ადგილობრივები მტაცებელი ცხოველების თავდასხმის ობიექტები თითქმის ყოველ დღე ხდებიან. ჩირიკბას განცხადებით, 2016 წლის შემდეგ რაიონში ანალოგიური მდგომარეობაა, თუმცა პრობლემის მოგვარება უსახსრობის გამო ვერ ხერხდება. ადგილობრივი მოსახლეობა კი შექმნილი პრობლემის გამო ოჩამჩირის რაიონს თანდათან ტოვებს.
