მერაბ ქვარაია – რამდენი ტალახიც არ უნდა მოზილონ, სალომე ზურაბიშვილი საქართველოს პრეზიდენტია !
“ყველაზე საინტერესო კი მაინც ის არის, რომ ეს ადამიანი როცა თავად ჩამოიყვანეს, მაშინ კარგად ხედავდნენ მის ღირსებებს და ქართველობას, დღეს კი რაღაც უცნაური სიბრმავე დაემართათ…” ქალაქ ზუგდიდის მაჟორიტარი დეპუტატი მერაბ ქვარაია სოციალურ ქსელში ოპოზიციის მიერ დამოუკიდებელი კანდიდატის, სალომე ზურაბიშვილის კრიტიკას ასე ეხმაურება.
“არა, არაა ჩვენი საშველი…
ოპონენტები თურმე ქართველობას უწუნებენ სალომე ზურაბიშვილს, ადამიანს, რომელიც არის საქართველოს სახელმწიოფოებრიობას და ზოგადად ქართველობას შეწირული ოჯახის და ქართველების, დიდი ნიკო ნიკოლაძის და მექი კედიას შთამომავალი, რომელიც გაიზარდა ოჯახში, სადაც ზრუნვისა და ფიქრის ერთადერთი საგანი საქართველო და მისი ბედ-იღბალი იყო.
რომელიც არის წლების მანძილზე საფრანგეთში ქართული სათვისტომოს(!) ხელმძღვანელის და ქართველობაზე მზრუნველი კაცის ლევან ზურაბიშვილის შვილი. რომელიც არის დისშვილი ადამიანისა – მიხეილ კედიასი, ვისაც ქართველი შინდლერი შეარქვეს იმის გამო, რომ მეორე მსოფლიო ომის დროს ათასზე მეტი ადამიანი, მათ შორის ქართველი ებრაელები ნაცისტებს სიკვდილისან ხელიდან გამოჰგლიჯა… მეტი შორს აღარ წავალ, რა გააკეთა თავად, ეს ისედაც ცნობილია…
ყველაზე საინტერესო კი მაინც ის არის, რომ ეს ადამიანი როცა თავად ჩამოიყვანეს, მაშინ კარგად ხედავდნენ მის ღირსებებს და ქართველობას, დღეს კი რაღაც უცნაური სიბრმავე დაემართათ… ყველაფერი არ უნდა იკადრო, არა !
სალომე ზურაბიშვილი არც პირველია და არც ბოლო , ვისაც ქართველობას “უწუნებენ” , ეგ მთავარი არაა, მთავარია ისტორიამ არ დაგიწუნოს…
და ერთიც: საუკუნის განმავლობაში ქვეყნის გარეთ ქართული რომ გულში ჩაიხუტა და სათუთად შეინახა, არ დაივიწყა და მეტყველებს, მას მადლობა უნდა უთხრა და არა პირიქით, მაგრამ ვაი რომ ზოგიერთებს თავგზა არევიათ და სხვასაც ცდილობენ აურიონ ტყუილ-მართალი…
რამდენი ტალახიც არ უნდა მოზილონ, 28 ოქტომბერს სალომე ზურაბიშვილი საქართველოს პრეზიდენტია !”-წერს სოციალურ ქსელში მერაბ ქვარაია.
მსგავსი სიახლეები
მეუფე სტეფანე: არ ვიცი, ვინ რას ურჩევს და უბრძანებს, მაგრამ სალომე ზურაბიშვილი ქართველი ხალხის დაკვეთით არ მოქმედებს და მისი განცხადებები საქართველოს ინტერესებიდან არ გამომდინარეობს
მერაბ ქვარაია – ბოტანიკურ ბაღში შესვლის პრობლემა არცერთ მოქალაქეს არ უნდა შეექმნას
