სენაკის სამხედრო ბაზაზე “Agile Spirit 2018” დახურვის ცერემონიალი გაიმართა
სენაკში, II ქვეითი ბრიგადის ბაზაზე, საერთაშორისო სამეთაურო-საშტაბო სწავლების “Agile Spirit 2018” დახურვის ცერემონიალი გაიმართა, რომელსაც საქართველოს შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია, სამეგრელო-ზემო სვანეთის გუბერნატორის პირველი მოადგილე ირაკლი ჯიქია, სამხედრო ატაშეები და ადგილობრივი ხელისუფლების წარმომადგენლები დაესწრნენ.
მრავალეროვნულ სამხედრო სწავლებაში ნატოს წევრი და პარტნიორი 10 ქვეყანა მონაწილეობდა. ღონისძიებაზე მრავალეროვნული სამხედრო სწავლების წარმატებული მონაწილეების დაჯილდოების ცერემონიალიც გაიმართა. გენერალ-მაიორმა ვლადიმერ ჩაჩიბაიამ „Agile Spirit 2018“-ში მონაწილე 13 სამხედრო მოსამსახურე სწავლებაში შეტანილი წვლილისთვის უწყებრივი მედლით „გენერალი კვინიტაძე“ დააჯილდოვა.
სწავლების მეთაურმა, გენერალმა გიორგი მათიაშვილმა კი, სწავლების დაგეგმვასა და აღსრულებაში შეტანილი წვლილისთვის შეიარაღებული ძალების ორ სამხედრო მოსამსახურეს საშტატო იარაღი, ხოლო ხუთ სამხედრო მოსამსახურეს უწყებრივი მედალი – „გენერალი მაზნიაშვილი“ გადასცა.
![მე-2 ქვეითი ბრიგადის 32 წლის იუბილესთან დაკავშირებით, სენაკის სამხედრო ბაზის სამწყობრო მოედანზე საზეიმო ცერემონიალი გაიმართა [ფოტო]](https://api.stv.ge/uploads/2024/07/სსს-960x523.jpg)