ვინ არის ალექსანდრე მოწერელია და ვინ დაუჭირა მხარი სამეგრელოს გუბერნატორობაზე?
თხილის გადადამუშავებელთა და ექსპორტიორთა გამგეობის თავმჯდომარემ ალექსანდრე მოწერელიამ 27 ივლისს STV NEWS-თან ინფორმაცია იმის შესახებ, რომ შესაძლოა ის გუბერნატორის თანამდებობაზე დაინიშნოს, არ დაადასტურა. ალექსანდრე მოწერელიამ სატელეფონო საუბრისას განაცხადა, რომ სამეგრელოს გუბერნატორობასთან დაკავშირებით შეთავაზება არ მიუღია და მითუმეტეს მასთან ამ საკითხთან დაკავშირებით კონსულტაციებიც არ მიმდინარეობს.
“პირველად მესმის თქვენგან. ამის შესახებ არანაირი ინფორმაცია არ გამაჩნია. არაფერი საუბარი ამ თემაზე არ ყოფილა, მითუმეტეს კონსულტაციებიც”, განაცხადა ალექსანდრე მოწერელიამ 27 ივლისს STV NEWS-თან სატელეფონო საუბრისას.
დაახლოებით ორის კვირის შემდეგ კი გადაწყვეტილება მიღებულია. ხვალ, 20 აგვისტოს, საქართველოს პრემიერ-მინისტრი სხვა 5 რეგიონის გუბერნატორთან ერთად, სამეგრელო-ზემო სვანეთის ახალ გუბერნატორს, ალექსანდრე მოწერელიას წარადგენს.
STV NEWS-ის მიერ მოპოვებული ინფორმაციის თანახმად ალექსანდრე მოწერელია მთავრობას სოფლის მეორნეობის მინისტრმა ლევან დავითაშვილმა წარუდგინა. გუბერნატორობის კანდიდატს წინააღმდეგობები ძირითადად ბიზნეს წრეების ზოგიერთ წარმომადგენლებთან ჰქონდა, თუმცა საბოლოოდ მის კანდიდატურაზე მინისტრები და რეგიონის დეპუტატები ერთხმად შეჯერდნენ. როგორც STV-ს ინფორმირებულმა წყარომ განუცხადა, ალექსანდრე მოწერელიას დიდი მხარდაჭერა ჰქონდა თავად სოფლის მეურნეობის მინისტრიგან და ასევე ინფრასტრუქტურის მინისტრისგანაც.
საბოლოო გადაწყვეტილება მიღებულია. პრემიერ-მინისტრი მამუკა ბახტაძე სამეგრელო-ზემო სვანეთში გუბერნატორად სწორედ ალექსანდრე მოწერელიას ხვალ წარადგენს. 21 აგვისტოს კი ალექსანდრე მოწერელია მუშაობას ოფიციალურად შეუდგება.
მსგავსი სიახლეები
ალექსანდრე მოწერელია – „ქართული ოცნების“ მთავარი მიზანი იყო და არის სოფლის მხარდაჭერა და სოფელზე ზრუნვა
ირაკლი შონია: იმედს ვიტოვებთ, რომ ალექსანდრე მოწერელია სამეგრელოს ოთხი რაიონის დეპუტატი და ხალხის ნების გამომხატველი გახდება საქართველოს პარლამენტში!
