ექსკლუზივი: სამეგრელოში სამხარეო პოლიციის უფროსის შეცვლა იგეგმება
15.08.2018 / 15 აგვისტო 2018
სამეგრელოში სამხარეო პოლიციის უფროსი სავარაუდოდ უახლოეს მომავალში შეიცვლება. მიზეზად მორიგი როტაცია სახელდება, რომლის მიხედვითაც, მოქმედ სამხარეო პოლიციის უფროსს სამეგრელოდან სავარაუდოდ თბილისში გადაისვრიან. ამის შესახებ STV-ს საკუთარმა ინფორმირებულმა წყარომ ექსკლუზიურად აცნობა.
წყაროს ინფორმაციით, ნიკოლოზ დიასამიძეს სამეგრელოში მისი მოადგილე, ირაკლი ჯიქია ჩაანაცვლებს. ჯერჯერობით უცნობია, განხორციელდება თუ არა როტაცია სამეგრელოს სხვა მუნიციპალიტეტებში.
შეგახსენებთ, რომ სამეგრელო-ზემო სვანეთში ახალი სამხარეო პოლიციის უფროსი 27 მარტს დაინიშნა. ნიკოლოზ დიასამიძემ ყოფილი პოლიციის უფროსი, გიგა ზესაშვილი ჩაანაცვლა.
