ზუგდიდში ზებრა გადასასვლელი შემოხაზეს, რომელიც ბორდიურს უერთდებოდა
17.08.2018 / 17 აგვისტო 2018
ზუგდიდში საავტომობილო გზების დეპარტამენტმა ზებრა გადასასვლელი შედომით შემოხაზა, რომელიც პირდაპირ ბორდიურს უერთდება. მოგვიანებით კი აღნიშნული გადასასვლელი წაიშალა.
საავტომობილო გზების დეპარტამენტის ინფორმაციით, ზუგდიდში, გამსახურდიას გამზირზე ზებრა გადასასვლელის ხაზვისას შეცდომაა დაშვებული და კონტრაქტორმა საზედამხედველო კომპანიამ ის უკვე გამოასწორა.
ცნობისათვის, ექსპერტების რეკომენდაციით, ზებრა გადასასვლელის წინ უნდა დაიდგას მაფრთხილებელი ნიშნები, გაუქმდეს ის ზებრა გადასასვლელები, სადაც ქვეითისა და ავტომობილისთვის ერთდროულად ინთება მწვანე შუქი, ცალმხრივ რამდენიმე ზოლიან გზებზე ქვეითთა გადასასვლელებთან შუქნიშნები დაიდგას. გარდა ამისა, ზებრა გადასასვლელები დაიხაზოს კარგად აღქმადი სპეციალური მასალით.
