გიორგი გახარია – „პოლიციამ მაქსიმალურად გამოიყენა თმენის ვალდებულება, იქ სადაც იყო ძალის გადამეტების კონკრეტული ფაქტი, დეტალურად შევისწავლით“
21.06.2019 / 21 ივნისი 2019
შინაგან საქმეთა მინისტრმა, გიორგი გახარიამ, გუშინ, რუსთაველის გამზირზე განვითარებულ მოვლენებთან დაკავშირებით გააკეთა კომენტარი. მინისტრის განცხადებით, სამართალდამცველთა მხრიდან ძალის გადამეტების კონკრეტულ ფაქტებს დეტალურად შეისწავლიან.
„ეს იყო რთული პროცესი. პოლიციამ ბოლომდე, მაქსიმალურად გამოიყენა თმენის ვალდებულება. სანამ ადამიანების სიცოცხლეს არ დაემუქრა საფრთხე, პოლიციელები საერთოდ არ განძრეულან, უბრალოდ დადგნენ და იცავდნენ მათ. იქ სადაც, იყო გადამეტების კონკრეტული ფაქტი, რა თქმა უნდა, ჩვენ ამას დეტალურად შევისწავლით.“ – განაცხადა გიორგი გახარიამ.
