სენაკში ნარკოდანაშაულისთვის და საბრძოლო მასალის შენახვა-ტარებისთვის 1 პირი დააკავეს
17.10.2020 / 17 ოქტომბერი 2020
- სამეგრელოს პოლიციამ ნარკოდანაშაულისთვის, ასევე, ცეცხლსასროლი იარაღისა და საბრძოლო მასალის უკანონო შეძენა-შენახვა-ტარებისთვის სენაკში 1 პირი დააკავა შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიული და საგამოძიებო ღონისძიებების შედეგად, ნარკოტიკული საშუალებების უკანონო შეძენა-შენახვის, ასევე, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით, სენაკში 1 პირი: 1987 წელს დაბადებული ლ.შ. დააკავეს.
დანაშაული 5-დან 8 ვადით წლამდე თავისუფლების აღკვეთას ითვალისწინებს. სამართალდამცველებმა, წარსულში მრავალჯერ ნასამართლევი ლ.შ.-ის ჩხრეკისას, ნივთმტკიცების სახით ამოიღეს: “ფ-1”-ის ტიპის ხელყუმბარა, პისტოლეტი მჭიდით და 5 საბრძოლო ვაზნა. ბრალდებულის პირადი ჩხრეკის შედეგად, ასევე, ამოღებულია დიდი ოდენობით ნარკოტიკული საშუალებები.
დიდი ოდენობით ნარკოტიკული საშუალების უკანონო შეძენა-შენახვის, ასევე, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ფაქტზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით და 260-ე მუხლის მე-3 ნაწილის “ა” ქვეპუნქტით მიმდინარეობს.
მსგავსი სიახლეები
მესტიაში პოლიციამ ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 3 პირი დააკავა
სასამართლომ ბადრი ესებუა ცეცხლსასროლი იარაღის და საბრძოლო მასალის უკანონო შეძენა-შენახვა ტარების მუხლით წარდგენილ ბრალდებაში დამნაშავედ ცნო
