8 აგვისტო სენაკში
08.08.2020 / 8 აგვისტო 2020
- 8 აგვისტოს, საღამოს, ხსოვნის მემორიალთან, ომის ამსახველმა ფოტოქრონიკამ ჩვენი ქვეყნის უახლესი ისტორიის ტკივილიანი დღეები კიდევ ერთხელ გააცოცხლა. მუნიციპალიტეტის მოსწავლე-ახალგაზრდობისა და კულტურის ცენტრის ახალგაზრდა მსახიობთა მიერ წარმოდგენილ იქნა ლიტერატურულ-მხატვრული კომპოზიცია, რომელშიც მონაწილეობა თემურ ბოკუჩავას ვაჟმა, ალექსიმ, მიიღო.
ამფითეატში გამართულ თემატურ საღამოზე, სენაკის სათემო განათლების ცენტრში გაწევრიანებულმა ახალგაზრდებმა, აგვისტოს ომის ტრაგიკული დღეები გაიხსენეს და ქვეყნის ტერიტორიული მთლიანობისათვის მებრძოლი ბიჭების გმირობის ისტორიებზე ისაუბრეს.
8 აგვისტო სენაკში, აკიაფებული სანთლებითა და 2008 წლის 11 აგვისტოს, შინდისის უთანასწორო ბრძოლაში დაღუპული მეორე ქვეითი ბრიგადის საინჟინრო ოცეულის გმირობაზე გადაღებული დოკუმენტური ფილმის – ,,შინდისის გმირები“ ჩვენებით დასრულდა.
