სენაკში, სტიქიის ობიექტების სარეაბილიტაციო სამუშაოების ნაწილი დასრულებულია
სენაკის მუნიციპალიტეტში, სტიქიის ობიექტების სარეაბილიტაციო სამუშაოების ნაწილი დასრულებულია.
ამ ეტაპზე, ინფრასტრუქტურული სამუშაოები განხორციელდა სტიქიის შემდეგ ობიექტებზე:
ქ. სენაკში – ჭავჭავაძის ქუჩაზე, ღელე ,,ფიცუმდე”, საავტომობილო გზის ორივე მხარეს მოეწყო ცხაურები
დავით აღმაშენებლის ქუჩაზე, ე.წ. ,,საკირესთან“, ღელე ,,ხაბაზეთზე“ მოეწყო რკინა-ბეტონის ჯებირი და ჩატარდა საძირკვლის გამაგრებით სამუშაოები
სახოკიას ქუჩაზე – მონოლითური რკინა-ბეტონის კონსტრუქციით მოეწყო მილხიდის ჯებირი და ცხაური
აღნიშნული სამუშაოები შპს ფირმა ,,იმედმა“ განახორციელა.
იპოდრომის მიმდებარე ტერიტორიასთან გამავალ ღელეზე მოეწყო ნაპირდამცავი გაბიონი
ჩხეტიას ქუჩის პირველი ჩიხში, დაიგო სასაფლაომდე მისასვლელი რკინა-ბეტონის გზა
აღნიშნულ სამუშაოები შპს ,,TWINS თვინსმა“ აწარმოა.
მენჯის ადმინისტრაციულ ერთეულში განხორციელდა საგაბესკირიოს უბანთან დამაკავშირებელი ბეწვის ხიდის აღდგენითი სამუშაოები
თეკლათის ადმინისტრაციულ ერთეულში დასრულდა გოლასკური-ტყირის დამაკავშირებელი ბეწვის ხიდის აღდგენითი სამუშაოები
ლეძაძამეს ადმინისტრაციული ერთეულის სოფელ ბეთლემში, რეაბილიტირდა მდინარე გურძემიაზე არსებული ბეწვის ხიდი
აღნიშნული სამუშაოები შპს ,,აფომ“ განახორციელა.
ქ. სენაკში – მშვიდობის ქუჩაზე აღდგა ჩამოქცეული რკინა-ბეტონის ჯებირი
რუსთაველის 112-ში მდებარე საცხოვრებელი კორპუსის წინ არსებულ სანიღვრე არხზე განხორციელდა ბეტონის ჯებირის გამაგრებითი და მონოლითური რკინა-ბეტონის კონსტრუქციის მოწყობის სამუშაოები
აღნიშნული ინფრასტრუქტურული სამუშაოები შპს ფირმა ,,იმედმა“ განახორციელა.
კოსტავას და დადიანის ქუჩების კვეთაზე გამავალ ღელეზე ჩატარდა საძირკვლის გამაგრებითი სამუშაოები და ფსკერი მოეწყო მონოლითური რკინა-ბეტონის კონსტრუქციით
სამუშაოები შპს ,,ჯი ბი ჯიმ“ შეასრულა.
ქალაქად და სოფლად, სტიქიის დარჩენილი ობიექტების სარეაბილიტაციო სამუშაოები, ყოველდღიურ რეჟიმში აქტიურად მიმდინარეობს.
