მიკროსაფინანსო ორგანიზაცია “ლენდოს” ყაჩაღობაში ბრალდებულს სასამართლომ 4 წლით თავისუფლების აღკვეთა მიუსაჯა
მიკროსაფინანსო ორგანიზაცია „ლენდოს” დაყაჩაღებაში ბრალდებულ პირს, რომელიც ზუგდისის მერიის თანამშრომელია, ოთხი წლით თავისუფლების აღკვეთა და ერთი წლით შინა პატიმრობა მიესაჯა.
აღნიშნული გადაწყვეტილება ზუგდიდის რაიონული სასამართლოს მოსამართლემ დღევანდელ სხდომაზე მხარეებს შორის საპროცესო შეთანხმების საფუძველზე მიიღო. ბრლადებულმა ილია გოგილავამ ბრალი აღიარა.
შს სამინისტროს ინფორმაციით, ზუგდიდში, რუსთაველის ქუჩაზე მდებარე მიკროსაფინანსო ორგანიზაცია „ლენდო” 31 დეკემბერს დააყაჩაღეს.
დამნაშავემ ცეცხლსასროლი იარაღის მუქარით 1000 ლარზე მეტი თანხა გაიტაცა, რის შემდეგაც შემთხვევის ადგილიდან მიიმალა. მომხდარიდან რამდენიმე საათში ილია გოგილავა დააკავეს.
იგი ზუგდიდის მერიის ააიპ “კეთილმოწყობის მართვის ცენტრის” ყოფილი თანამშრომელია.
მედიაში გავრცელებული ინფორმაციის თანახმად, სადაც ცენტრის დირექტორი ნოე პერტაია აღნიშნავს, ილია გოგილავას ხელშეკრულების ვადა 31 დეკემბერს დაუმთავრდა. მისივე თქმით, შესაბამისად, დანაშაულის ჩადენის დღეს, ის მერიის თანამშრომლად ითვლებოდა.
მსგავსი სიახლეები
მიხეილ სააკაშვილს 4,6 წლით თავისუფლების აღკვეთა მიესაჯა საზღვრის უკანონო კვეთის საქმეზე, ასევე დაემატა ელიტური კორუფციის საქმიდან სასჯელი 8 წლით და ჯამში მას თავისუფლების აღკვეთა 12,6 წლის ვადით განესაზღვრა
ზურაბ გირჩი ჯაფარიძეს სასამართლომ შვიდი თვით თავისუფლების აღკვეთა მიუსაჯა, ასევე აეკრძალა ორი წლით თანამდებობის დაკავება
