ზუგდიდში 9 წლის ბავშვს ავტომობილი დაეჯახა
22.05.2019 / 22 მაისი 2019
ზუგდიდში, თავისუფლების ქუჩაზე 9 წლის ბავშვს ავტომობილი დაეჯახა. ზუგდიდის რეფერალური ჰოსპიტლის დირექტორის, სულხან ორჟონიას ინფორმაციით, ბავშვს ცხვირის ძვლის მოტეხილობა და თავის ტვინის შერყევა აღენიშნება.
ამ დროისთვის, დაშავებულის მდგომარეობა სტაბილურია და ის კონტაქტურია.
როგორც შს სამინისტროში აცხადებენ, მომხდარზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის ჯანმრთელობის ნაკლებად მძიმე დაზიანება გამოიწვია.
