მუნიციპალიტეტების განვითარების სტრატეგიებზე გრძელვადიანი  დოკუმენტების შემუშავების პროცესის სამუშაო შეხვედრა სამეგრელო-ზემო სვანეთის მხარეში სახელმწიფო რწმუნებულის ადმინისტრაციაში გაიმართა.

სამუშაო შეხვედრაზე დეტალურად განიხილეს დოკუმენტების შემუშავების ეტაპები, სტრუქტურა და ფორმატი. სტრატეგია უნდა ემყარებოდეს რეალურ სოციალურ-ეკონომიკური განვითარების საჭიროებებსა და მუნიციპალიტეტებში არსებულ პოტენციალს.

შეხვედრას რეგიონული განვითარების მინისტრის მოადგილე ზურაბ იაშვილი, სამეგრელო-ზემო სვანეთის  მხარეში სახელმწიფო რწმუნებული დავით ვერავა,  რწმუნებულის მოადგილეები, რეგიონის მუნიციპალიტეტების მერები, საკრებულოს თავმჯდომარეები და სამუშაო ჯგუფის წევრები ესწრებოდნენ.