ფოთმა გაეროსა და დიპლომატიური კორპუსის წარმომადგენლებს უმასპინძლა
ფოთის მერმა ბექა ვაჭარაძემ გაეროს სისტემისა და დიპლომატიური კორპუსის წარმომადგენლებს - სამი ქვეყნის ელჩს უმასპინძლა.
ვიზიტის ფარგლებში გაიმართა შეხვედრები ქალაქის მერთან და ფოთელ ახალგაზრდებთან, სადაც მონაწილეებმა მდგრადი განვითარების მიზნებსა და მათ განხორციელების შესაძლებლობებზე ისაუბრეს.
შეხვედრაზე განიხილეს მუნიციპალიტეტის მიღწევები მდგრადი განვითარების მიზნების ლოკალიზების მიმართულებით, ასევე სამომავლო თანამშრომლობისა და ერთობლივი პროექტების განხორციელების პერსპექტივები. ახალგაზრდებთან შეხვედრა კითხვა-პასუხის რეჟიმში წარიმართა და იგი ახალგაზრდულ ჰაბში შედგა.
ფოთის მერმა საერთაშორისო პარტნიორებს- UNDP, UNICEF, ILO და FAO-ს მხარდაჭერისა და თანამშრომლობისთვის მადლობა გადაუხადა.
