სოფლისა და სოფლის მეურნეობის განვითარების სააგენტოს ორგანიზებით, სამეგრელოში შეხვედრა გაიმართა. შეხვედრას, სამეგრელო-ზემო სვანეთის მხარის სახელმწიფო რწმუნებულის პირველი მოადგილე დავით ფარცვანია, სოფლისა და სოფლის განვითარების სააგენტოს უფროსის მოადგილე გიორგი ჯიბლაძე და რეგიონებთან ურთიერთობის დეპარტამენტის ხელმძღვანელი ლაშა შალამბერიძე უძღვებოდნენ.

შეხვედრაზე, სააგენტოს უფროსის მოადგილემ გიორგი ჯიბლაძემ, სააგენტოს მიერ გაწეული საქმიანობის ანგარიში წარადგინა და შესრულებულ და მიმდინარე პროექტებზე ისაუბრა. სახელმწიფო რწმუნებულის პირველმა მოადგილემ დავით ფარცვანიამ, სიტყვით გამოსვლისას, რეგიონში, სახელმწიფოს მიერ ფერმერების მხარდაჭერის მნიშვნელობას გაუსვა ხაზი და ამ მიმართულებით სამომავლოდ ურთიერთ თანამშრომლობაზე ისაუბრა.

შეხვედრაზე, გარემოს დაცვისა და სოფლის მეურნეობის სამინისტროს შესაბამისი უწყებების წარმომადგენლებმა მიმდინარე და დაგეგმილი პროექტების შესახებ პრეზენტაციები წარმოადგინეს და სამომავლო პერსპექტივები დეტალურად განიხილეს. გარემოს დაცვისა და სოფლის მეურნეობის სამინისტროს გადაწყვეტილებით, საქართველოს ყველა რეგიონის თვითმმართველობის წარმომადგენლებთან შეხვედრები გაიმართება.

შეხვედრებზე სამინისტროს და სამინისტროს სისტემაში შემავალი უწყებების მიერ განხორცილებული, მიმდინარე, დაგეგმილი პროგრამებისა და სერვისების შესახებ ინფორმაციაზე ხელმისაწვდომობის გაზრდის მექანიზმებზე იმსჯელებენ. შეხვედრას სამეგრელო ზემო სვანეთის სახელმწიფო რწმუნებულის მოადგილეები და რეგიონის ადგილობრივი თვითმმართველობის წარმომადგენლები ესწრებოდნენ.