ოკუპირებულ ოტობაიაში 70 წლამდე ძმები დააკავეს
21.08.2024 / 21 აგვისტო 2024
ოკუპირებული გალის სოფელ ოტობაიაში საქართველოს ორი მოქალაქე დააკავეს. ინფორმაციას ამის შესახებ აფხაზური მედია ავრცელებს.
დაკავებულები 70 წლამდე ძმები არიან. ისინი ოტობაიაში საკუთარ სახლში აიყვანეს. აფხაზური მედიის ცნობით, მათი სახლის ჩხრეკისას ამოღებულია საბრძოლო იარაღები. დაკავებულები სოხუმის ე.წ. წინასწარი დაკავების იზოლატორში გადაიყვანეს.
ოკუპირებული აფხაზეთის ე.წ. სახელმწიფო უსაფრთხოების სამსახური დაკავებულებს, ე.წ. საზღვარზე მოქალაქეების ფულის სანაცვლოდ გადაყვანას ედავება. საქართველოს მოქალაქეების დაკავებასთან დაკავშირებით, საქართველოს სახელმწიფო უსაფრთხოების სამსახურს ოფიციალური განცხადება ჯერჯერობით არ გავრცელებულა.
