რა ხდება ოკუპირებულ აფხაზეთში და რას აპროტესტებს მოსახლეობა [ამბავი სრულად]
![რა ხდება ოკუპირებულ აფხაზეთში და რას აპროტესტებს მოსახლეობა [ამბავი სრულად]](https://api.stv.ge/uploads/2024/04/unnamed-1-thumb.jpg)
ოკუპირებულ აფხაზეთში ბოლო დღეების განმავლობაში საპროტესტო აქციები სხვადასხვა ქალაქებში მიმდინარეობს, მიზეზი ეწ. აპარტამენტების კანონია, რომელიც რუსეთის მოალაქეებისთვის აფხაზეთის აღმოსავლეთ ნაწილში სანაპირო ზოლზე აპარტამენტების მშენებლობის ნებართვას გულისხმობს.
ე.წ. კანონპროექტის ,,აპარტ-ოტელებისა და აპარტამენტების სამართლებრივი მდგომარეობის მოწესრიგების შესახებ” ინიციატორი აფხაზეთის თვითაღიარებული პრეზიდეტი ასლან ბჟანიაა.
ბჟანიას ინიციატივას მწვავედ აკრიტიკებენ, როგორც ადგილობრივი ოპოზიციური პარტიები, ასევე საზოგადოებრივი ორგანიზაციები. ბჟანიას ოპონენტები მიიჩნევენ, რომ ეს არის რუსეთისთვის უძრავი ქონების გადაცემის ფარული ფორმა.
საკითხთან დაკავშირებით ფართომასშტაბიანი აქცია გაიმართა ოჩამჩირეში. მოსახლეობა რუსეთის მოქალაქეებისთვის მსგავსი პრივილეგიების მინიჭებას აპროტესტებს და აცხადებენ, რომ ეს მათთვის დამღუპველი იქნება, რადგან 100 ათასი რუსიეთის მოაქლაქისთვის აპარტამენტების აშენების შემდეგ აფხაზები უმცირესობაში აღმოჩნდბიან.
აფხაზეთში გამართულ საპროტესტო აქციებში ერთ-ერთმა მოქალაქემ განაცხადა კიდეც, რომ აფხაზეთი საქართველოა. ვიდეო სოციალურ ქსელში აფხაზურმა ტელეგრამ არხებმა გაავრცელეს.
ბჟანიას გუნდის მიერ მომზადებული კანონპროექტის მიხედვით, 10-12 წლის განმავლობაში აფხაზეთის მთელ ტერიტორიაზე უნდა აშენდეს აპარტ-ოტელები, ჯამში 30 ათასი ბინით (ერთ რაიონში არაუმეტეს 5 ათასისა).
აფხაზურ ტელეგრამ არხებზე წერენ, რომ, ე.წ. ხელისუფლება ცდილობს დააშინოს სხვადასხვა სექტორში დასაქმებული ადამიანები, თუმცა საპროტესტო აქციებზე ადამიანები მაინც გამოდიან, ტელეგრამში წერენ, რომ ე.წ. მოწონააღმდეგეები ბლომად არიან სამართალდამცველებში.მოვლენების განვითათებას წინ უძღვოდა ბჟანიას მიერ
ოჩამჩირეში გასვლითი თათბირი, სადაც აღნიშნა, რომ ე.წ.„აპარტამენტების“ შესახებ კანონპროექტი „ოჩამჩირის, ტყვარჩელის და გალის რეგიონების სოციალურ-ეკონომიკური განვითარებისკენ“ იქნება მიმართული, რაც „გადაუდებელ აუცილებლობას წარმოადგენს“. უფრო ადრე, ბჟანიამ აღნიშნა, რომ „აპარტამენტების შეძენა აფხაზეთის მოქალაქეობას არ უკავშირდება“.აპარტამენტების ე.წ. კანონამდე იყო
ბიჭვინთის აგარაკის რუსეთისთვის გადაცემის შესახებ შეთანხმება, რომელიც ე.წ პარლამენტმა ნაჩქარევად და მალულად 27 დეკემბერს დაამტკიცა. ამ
გადაწყვეტილებას ოკუპირებული აფხაზეთის ე.წ. პარლამენტის 25 წევრმა დაუჭირა მხარი.
ოკუპირებული აფხაზეთის ე.წ. ოპოზიცია და მოსახლოების ნაწილი ამ გადაწყვეტილებას აპროტესტებდა და მის გაუქმებას ითხოვდნენ.
