ჩხოროწყუში ნაძვის ხე აანთეს [ახალი წლის დღეები]
![ჩხოროწყუში ნაძვის ხე აანთეს [ახალი წლის დღეები]](https://api.stv.ge/uploads/2025/12/7b41c97c-523d-47af-b230-c63eb947cde6-960x640.jpeg)
ქალაქ ჩხოროწყუში, კულტურის სახლის მიმდებარე ტერიტორიაზე, საქართველოს მთავრობის, საქართველოს კულტურის სამინისტროს და სსიპ შემოქმედებითი საქართველოს მხარდაჭერით საახალწლო კონცერტი გაიმართა.
კონცერტში მონაწილეობდნენ: მაია ბარათაშვილი და ბენდი “New York-Tbilisi Connections”, ზაზა მარჯანიშვილი და ნალი ბენდი, ბენდი “ოჩოს ქოხი”, ირინა ბაირამაშვილი, თიკა ჯამბურია. კონცერტის წამყვანი მაკა შალიკაშვილი იყო.
მუნიციპალიტეტის მერმა ჯუმბერ იზორიამ, საკრებულოს თავმჯდომარე ჯანო პერტაიასთან ერთად, სიტყვით მიმართა მოქალაქეებს და მათ დამდეგი შობა-ახალი წელი მიულოცა. ჯუმბერ იზორიამ ასევე პატარებთან ერთად აანთო ქალაქის მთავარი ნაძვის ხე. ნაძვის ხეები აინთო ასევე მუნიციპალიტეტის ყველა ადმინისტრაციულ ერთეულში.
საქართველოს კულტურის სამინისტროს მიერ ორგანიზებული საახალწლო ღონისძიება ასევე მოიცავდა საბავშვო აქტივობებს, ზღაპრის გმირების წარმოდგენებსა და მუსიკალურ ნომრებს. ღონისძიებების პატარა სტუმრებს თოვლის ბაბუამ საჩუქრები გადასცა.
