მინისტრის განცხადებით, სოფელ ჯგალში წყალმომარაგების პრობლემა მოგვარდება
20.06.2025 / 20 ივნისი 2025
ინფრასტრუქტურის მინისტრი რევაზ სოხაძე, სამეგრელო-ზემო სვანეთის მხარეში სახელმწიფო რწმუნებულ დავით ვერავასთან, საქართველოს პარლამენტის წევრებთან ირაკლი ზარქუასთან და ილია ინჯიასთან ერთად, წალენჯიხის მუნიციპალიტეტის სოფელ ჯგალში ადგილობრივ მოსახლეობას შეხვდა და წყალმომარაგების მხრივ არსებულ საჭიროებებს ადგილზე გაეცნო.
შეხვედრაზე განიხილეს სოფელში არსებული პრობლემები და ის ნაბიჯები, რომლებიც მოსახლეობის უწყვეტი და ხარისხიანი წყალმომარაგების უზრუნველსაყოფად გადაიდგმება.
მინისტრის თქმით, სოფლის წყალმომარაგების სისტემის მოსაწესრიგებლად უკვე მიმდინარეობს ტექნიკური დავალების შედგენა, რის შემდეგაც გამოცხადდება ტენდერი პროექტირების ეტაპის დასაწყებად. წლის ბოლოს გამოცხადდება სამშენებლო ტენდერიც.
