მტკვარში ორი ზუგდიდელი ახალგაზრდის ცხედარი იპოვეს
15.05.2025 / 15 მაისი 2025
რამდენიმე წუთის წინ საგანგებო სიტუაციების მართვის სამსახურის თანამშრომლებმა მდინარე მტკვარში საძიებო-სამაშველო ოპერაციის შედეგად ორი ზუგდიდელი ახალგაზრდის ცხედარი და ავტომობილი იპოვეს. მყვინთავთა ჯგუფი და შსს-ს ყველა შესაბამისი ქვედანაყოფი ამ დრომდე მუშაობს, რომ მესამე დაკარგულის პოვნაც მოხერხდეს.
თბილისში, 14 მაისის ღამეს ნოე ჟორდანიას სახელობის სანაპიროდან მტკვარში ავტომობილი გადავარდა.
მანქანაში 4 მგზავრი იმყოფებოდა, მათ შორის ერთი გადაარჩინეს და ის საავადმყოფოში გადაიყვანეს.
შსს-მ დააკავა პირი, რომელმაც ავტომობილით გადაადგილებისას, ავარიული ვითარება შეუქმნა სხვა ავტომობილს, რომლის მძღოლმაც საჭე ვერ დაიმორჩილა და მდინარე მტკვარში გადავარდა.
