გუბერნატორ დავით ვერავას მილოცვა
სამეგრელო-ზემო სვანეთის სახელმწიფო რწმუნებულის დავით ვერავა მილოცვას ავრცრლებს:
,,2024 წელი მიილია, ეს არ ყოფილა მარტივი წელი, იყო გამოწვევები და წინააღმდეგობები, მაგრამ იყო მთავარი – გამარჯვება! გაიმარჯვა ქართულმა იდეამ და ქართულმა სახელმწიფომ.
მე წელს პირველად გილოცავთ ახალ წელს, როგორც სამეგრელო-ზემო სვანეთის სახელმწიფო რწმუნებული. ეს რეგიონი თავისი ისტორიითა და როლით უმნიშვნელოვანესია ჩვენი სამშობლოსთვის! მიხარია, რომ ამ რეგიონის და მისი ამაყი და ნიჭიერი მოქალაქეების მსახურობის შესაძლებლობა მომეცა! გილოცავთ ახალ წელს ჩემო გულანთებულო მეგრელებო და სვანებო ბევრი სიხარულის და წარმატების მომტანი წელი ყოფილიყოს!
ვულოცავ ახალ წელს საქართველოს თითოეულ მოქალაქეს, დიდი მონატრებით ვულოცავ ჩვენს აფხაზ და ოს მოქალაქეებს, მჯერა ჩვენ ერთმანეთს დავიბრუნებთ!
შობა ახლოვდება, ყველაზე თბილი, იმედებით სავსე, უბრწყინვალესი დღესასწაული. ჩვენს რეგიონში, კერძოდ კი ზუგდიდში დავანებული ღვთისმშობლის ხელთუქმნელი კვართი, შობის უდიდებულესობას კიდევ უფრო ხილულ სასწაულად აქცევს. აქვე გილოცავთ კარსმომდგარ შობას!
უშგულის ლამარიას, ხობის ღვთისმშობლის, წალენჯიხის ფერისცვალების, ნოქალაქევის ორმოცმოწამეთას, გულეიკარის წმინდა გიორგის, ფოთის ბრწყინვალე აღდგომის, წაჩხურას მთავარანგელოზის, ოცინდალეს წმინდა გიორგის, ზუგდიდის ვლაქერნის ყოვლადწმინდა ღვთისმშობლის – ტაძრების მადლი შეეწიოს ჩვენი რეგიონის თითოეულ მოქალაქეს და სრულიად საქართველოს!
კიდევ ერთხელ გილოცავთ 2025 წელს!” – წერს ვერავა
