ჟურნალისტურ საქმიანობაში ხელისშეშლის ფაქტზე ვიტალი გუგუჩიას ბრალი წარედგინა
პოსტის გადამღები ჯგუფისთვის, პროფესიულ საქმიანობაში უკანონოდ ხელის შეშლის და ძალადობის ფაქტზე ერთ პირს ბრალი წარუდგინა.
სპეციალური საგამოძიებო სამსახური ბრალდებულ ვიტალი გუგუჩიას სსსკ-ის 126-ე მუხლისა და 154-ე მუხლების პირველი ნაწილებით ჩადენილ დანაშაულს ედავება რაც გულისხმობს, ჟურნალისტისათვის პროფესიულ საქმიანობაში უკანონოდ ხელის შეშლას და ძალადობას.
ბრალდების მხარე ბრალდებულისთვის აღკვეთის ღონისძიების სახით გირაოს გამოყენების შუამდგომლობით, სასამართლოს კანონით დადგენილ ვადაში მიმართავს.
საქმე ეხება მიმდინარე წლის 31 მაისს, პოსტის გადამღებ ჯგუფსა და მოქალაქე ვიტალი გუგუჩიას შორის სიტყვიერ და ფიზიკურ დაპირისპირებას.
გამოძიების მიხედვით, გუგუჩიამ ზუგდიდის მუნიციპალიტეტის სოფელ კახათში, საცხოვრებელი სახლის მიმდებარე ტერიტორიაზე მისული გადამღები ჯგუფის მიმართ სიტყვიერი აგრესია გამოხატა, რის შემდგომაც ოპერატორს ფიზიკური შეურაცხყოფა მიაყენა. აღნიშნულის შედეგად, მედიის წარმომადგენლებმა ადგილზე პროფესიული საქმიანობის განხორციელება ვერ შეძლეს. საპირისპიროს ამტკიცებს ვიტალი გუგუჩია, მისი მტკიცებით ის გადამღები ჯგუფის პროვოკაციის მსხვერპლია.
