13, 14 და 15 ივნისს მესტია ეთნო ფესტივალს მასპინძლობს
13, 14 და 15 ივნისს მესტია მასპინძლობს ეთნო ფესტივალს, რომელიც წარმოაჩენს ქვეყნის მდიდარ კულტურულ მემკვიდრეობას.
ფესტივალის ფარგლებში დაგეგმილია: ტრადიციული ქართული ცეკვის, სიმღერის და გალობის წარმოდგენა; მასტერკლასები, ლექცია – სემინარები და ლიტერატურული კონკურსი; სვანური სამზარეულო და გასტრონომია; ქართული რეწვისა და ხელოვნების ნიმუშების გამოფენა – გაყიდვა; ეთნოგრაფიული კუთხეები, სადაც სტუმრებს შესაძლებლობა ექნებათ გაეცნონ საქართველოს სხვადასხვა რეგიონის მდიდარ ტრადიციებს; გალა -კონცერტი. ფესტივალის ფარგლებში გაიმართება სვანური ტრადიციული დოღი.
ორგანიზატორი საქართველოს საპატრიარქოს ჩოხოსანთა საზოგადოება, თანაორგანიზატორი მესტიისა და ზემო სვანეთის ეპარქია, მესტიის მუნიციპალიტეტის მერია, საქართველოს ქორეოგრაფთა კავშირი. ფესტივალის მხარდამჭერები არიან: საქართველოს კულტურის სამინისტრო, სამეგრელო-ზემო სვანეთის სამხარეო ადმინისტრაცია, ააიპ ხელსაქმის საგანმანათლებლო და პოპულარიზაციის საერთაშორისო ასოციაცია .
