მთამსვლელ ნიკოლოზ ფალიანის დაღუპვის გამო მესტიაში 26 მაისის ღონისძიებები გაუქმდა
22.05.2025 / 22 მაისი 2025
მწვერვალ უშბაზე ალპინისტისა და საერთაშორისო სამთო გამყოლის ნიკოლოზ ფალიანის გარდაცვალების გამო მესტიაში, 26 მაისის ღონისძიებები გაუქმდა. შესაბამის განცხადებას მესტიის მერია ავრცელებს.
,,მწვერვალ უშბაზე ექსპედიციის დროს ტრაგიკულად დაიღუპა ალპინისტი და საერთაშორისო სამთო გამყოლი ნიკოლოზ (ნიკო) ფალიანი. ვუსამძიმრებთ ნიკოს ოჯახს, მის მეგობრებს, მესტიას და სრულიად საქართველოს ამ დიდ დანაკლისს! ნიკოლოზ ფალიანს დიდი წვლილი მიუძღვის მესტიის მუნიციპალიტეტში ტურიზმის სფეროს განვითარებაში.
შექმნილი ვითარებიდან გამომდინარე, მესტიის მუნიციპალიტეტის მერიამ, ცენტრალურ ხელისუფლებასთან ერთად მიიღო გადაწყვეტილება, 26 მაისს, დამოუკიდებლობის დღეს დაგეგმილი ღონისძიება გააუქმოს”.
