ირაკლი ჩიქოვანი – ჩვენ მივაღწიეთ და ბოლო რვა წლის განმავლობაში მთავარი საზრუნავი გავხადეთ მოქალაქე
- ,,ქართული ოცნების“ ზუგდიდის მაჟორიტარი დეპუტატობის კანდიდატმა ირაკლი ჩიქოვანმა მოსახლეობასთან შეხვედრები დღეს ორსანტიაში, ცვანესა და ერგეტაში გამართა. კანდიდატი ადგილობრივებს სამომავლო გეგმებზე ესაუბრა და პარტიის ხედვები და მომავალი ოთხი წლის მთავარი პრიორიტეტული მიმართულებები გააცნო.
,,ორსანტია საოკუპაციო ხაზთან მდებარე ძალიან ლამაზი და ინფრასტრუქტურულად მოწესრიგებული სოფელია. ეკონომიკური წარმატებისა და მოსახლეობის კეთილდღეობისთვის სწორედ გამართულ ინფრასტრუქტურას აქვს საკვანძო მნიშვნელობა – საავტომობილო გზების, სკოლების, საბავშვო ბაღების, ამბულატორიების, ცენტრალური სტადიონის, წყალმომარაგებისა და სხვა არაერთი პროექტი, რომელიც მიმდინარეობს, გაგრძელდება ეფექტიანად და სწრაფად. ჩემი ამოცანა იქნება ზუგდიდში ფართომასშტაბიანი ინფრასტრუქტურული პროექტების მხარდაჭერა, რომლებიც ჩვენი მუნიციპალიტეტის განვითარებას უზრუნველყოფს. ამ მხრივ ბევრი გაკეთდა, ბევრი მიმდინარე პროექტებია და გვაქვს სამომავლო გეგმებიც“ – განაცხადა ირაკლი ჩიქოვანმა.
ირაკლი ჩიქოვანმა დღეს გამართულ შეხვედრაზე ჯანდაცვის მიმართულებით განხორციელებულ პროექტებზეც ისაუბრა:
,,საქართველოს არ ჰყოლია ხელისუფლება, რომელიც ასე გულისხმიერია საკუთარი ხალხის მოთხოვნების მიმართ, რა თქმა უნდა არის ბევრი გამოწვევა და ბევრი საკითხი რაზეც ჩვენ გადაწყვეტილებები გვაქვს მისაღები, მაგრამ გულისხმიერი და თანამდგომი ხელისუფლების პირობა დააკმაყოფილა ამ ხელისუფლებამ. მთავარი არის ის, რომ ჩვენ მივაღწიეთ და ბოლო რვა წლის განმავლობაში მთავარი საზრუნავი გავხადეთ მოქალაქე. ჩვენი ჯანდაცვის სისტემა დღეს ყველაზე მეტად არის მოქალაქეზე ორიენტირებული, ვიდრე ოდესმე ყოფილა, ეს მისაბაძია ბევრი ჩვენზე მეტად ეკონომიკურად ძლიერი სახელმწიფოსთვის. თუმცა ჩვენ აქაც არ ვჩერდებით, რადგან ჩვენ გვჭირდება უფრო მეტი ხარისხი, უფრო მეტი პროგრამები, უფრო მეტი განვრცობადობა ჯანდაცვის სფეროში და ამ გეგმებზე პრეზენტაციაზე ისაუბრა ჯანდაცვის მინისტრმაც“ – განაცხადა შეხვედრაზე ირაკლი ჩიქოვანმა.
დღეს გამართულ შეხვედრებს სახელმწიფო რწმუნებულის მოვალეობის შემსრულებელი მალხაზ თორია და ზუგდიდის საარჩევნო შტაბის უფროსი გიორგი შენგელია ესწრებოდნენ.
მსგავსი სიახლეები
ირაკლი ჩიქოვანის განცხადებით ბოლო რვა წლის განმავლობაში დევნილი მოსახლეობის საცხოვრებელი ფართით უზრუნველყოფის კუთხით იმაზე მეტი გაკეთდა ვიდრე დანარჩენი 19 წლის განმავლობაში
ირაკლი ღარიბაშვილი: ის, რაც „ქართულმა ოცნებამ“ შეძლო ბოლო ათი წლის განმავლობაში, არის მართლაც უპრეცედენტო, ჩვენ გვაქვს უწყვეტი მშვიდობიანი, სტაბილური პერიოდი, რაც არის ჩვენი ქვეყნის განვითარების საფუძველი
