ირაკლი ხახუბია : ფოთი სტრატეგიული მნიშვნელობის ქალაქია და მისი განვითარება ხელისუფლებისთვის პრიორიტეტია
- სოციალური პროგრამები, ინფრასტრუქტურა და სახელისუფლებო გუნდის სამომავლო გეგმები – ამ საკითხებზე ფოთის,ხობის,სენაკის მაჟორიტარი დეპუტატობის კანდიდატი ირაკლი ხახუბია ფოთში ტაბიძის, 9 აპრილის და ბერდიანკის ქუჩების მოსახლეობას ესაუბრა.
კანდიდატის თქმით, ფოთი სტრატეგიული მნიშვნელობის ქალაქია და მისი განვითარება ხელისუფლებისთვის პრიორიტეტია. დიდი ყურადღება ექცევა როგორც პორტის შემდგომ განვითარებას, ისე ქალაქის კეთილმოწყობასა და ფოთელებისთვის უკეთესი საცხოვრებელი და ეკონომიკური გარემოს შექმნას. ქალაქისთვის სულ უფრო მეტი კეთდება, იქნება ეს საგზაო ინფრასტრუქტურა, თუ სოციალური მხარდაჭერა.
„სიამაყით შემიძლია ვთქვა, რომ ამ 4 წლის განმავლობაში ჩვენ ერთად, ერთმანეთის გვერდში დგომით, ძალიან ბევრი სირთულე დავძლიეთ. განვახორციელეთ და დავგეგმეთ ბევრი მნიშვნელოვანი და ინოვაციური პროექტი, რომლებიც ჩვენი მუნიციპალიტეტის განვითარებისკენ იყო მიმართული. თუმცა, კარგად გვესმის, რომ ჩვენ წინაშე კიდევ არის გამოწვევები, რომელთა გადასაჭრელად მუშაობა უკვე დაწყებული გვაქვს და საერთო ძალისხმევით ეტაპობრივად მათაც გადავწყვეტთ”-განაცხადა ირაკლი ხახუბიამ.
მსგავსი სიახლეები
ირაკლი ხახუბია -ჩვენი ხელისუფლებისთვის განათლების სისტემის განვითარება ერთ-ერთი უმთავრესი პრიორიტეტია, რადგან მომავალი განათლებაშია
ირაკლი ხახუბია – სენაკს დიდი კულტურული და ტურისტული პოტენციალური აქვს, უნდა შევძლოთ მისი ათვისება და მეტი შესაძლებლობების შექმნა
