ირაკლი ხახუბიამ ფოცხოს ადმინისტრაციულ ერთეულში შპს ,,აგროთემას“ მოცვის ბაღები დაათვალიერა
27.09.2020 / 27 სექტემბერი 2020
- ფოთის, ხობის და სენაკის დეპუტატობის კანდიდატმა ირაკლი ხახუბიამ საქართველოს პარლამენტის წევრთან, სენაკის მაჟორიტარ დეპუტატთან ირაკლი ბერაიასთან, სენაკის საარჩევნო შტაბის ხელმძღვანელთან ილია ახალაიასთან და სენაკის მუნიციპალიტეტის მერთან ლევან კუპრეიშვილთან ერთად, ფოცხოს ადმინისტრაციულ ერთეულში შპს ,,აგროთემას“ მოცვის ბაღები დაათვალიერა.
სახელმწიფოს ხელშეწყობით, ფერმერებმა სოფელ ზემო ფოცხოში, 22 ჰა მიწის ნაკვეთზე მოცვის პლანტაცია გააშენეს. პროექტი პროგრამა ,,დანერგე მომავლის” ფარგლებში, სახელმწიფო ბიუჯეტის თანადაფინანსებით განხორციელდა.
შპს ,,აგროთემამ“ 100 000 ლარამდე სახელმწიფო დაფინანსება მიიღო, რომელიც კენკროვანი კულტურის ნერგებისა და თანამედროვე წვეთოვანი სარწყავი სისტემისთვის იყო განკუთვნილი. პლანტაცია უახლესი ტექნოლოგიების გამოყენებითაა მოწყობილი. სამუშაოზე დასაქმებულია 50-მდე ადგილობრივი.
,,სენაკის მუნიციპალტეტს კენკროვანი კულტურების განვითარების დიდი პოტენციალი აქვს. ჩვენი გუნდი გაარძელებს სოფლის მეურნეობის დახმარებას ფერმერებზე მორგებული პროექტებით” – აღნიშნა ირაკლი ხახუბიამ.
