მოკლული დავით ცინდელიანის დედა: სააკაშვილი თავზე ლაფს გვასხამდა [თამარ არღვლიანი საგამოძიებო კომისიაში – სრული ვიდეო]
![მოკლული დავით ცინდელიანის დედა: სააკაშვილი თავზე ლაფს გვასხამდა [თამარ არღვლიანი საგამოძიებო კომისიაში – სრული ვიდეო]](https://api.stv.ge/uploads/2025/06/1-2-960x540.jpg)
პირველი დახვრეტა ჩვენთვის ის იყო, რომ უდანაშაულო შვილი დამიხვრიტეს, მეორე დახვრეტა ის იყო, რომ შპიონაჟი დასწამეს, რაც მასთან ახლოსაც არ იყო. გამოძიების შედეგადაც არ მოიძებნება ერთი ისეთი დეტალი, შპიონაჟში რომ ბრალი ედებოდეს, არც იზამდა მაგას. ასე რომ ყოფილიყო, ზარ-ზეიმით შეხვდებოდნენ ამ ამბავს, ჩამოიყვანდნენ თბილისში, მართლმსაჯულებას წარუდგენდნენ და იმასაც იტყოდნენ, ასეთი მოღალატეები გვყავდა და ომი იმიტომ წავაგეთო და მკაცრად დასჯიდნენ, როგორც იცოდნენ ისე, იქ აწამებდნენ, – განაცხადა „ნაციონალური მოძრაობის“ რეჟიმის მიერ მოკლული დავით ცინდელიანის დედამ, თამარ აღვლიანმა, პარლამენტის დროებითი საგამოძიებო კომისიის სხდომაზე.
მისი თქმით, დავით ცინდელიანის მამაც ამ ამბავს გადაჰყვა. მესამე დახვრეტა კი, ცინდელიანების ოჯახისთვის მიხეილ სააკაშვილის მიერ, ცინდელიანის მკვლელობისთვის მსჯავრდებულ რომან შამათავას გმირად მოხსენიება იყო.
„ასეთი უბედურება გადაგვხდა ჩვენ, ამ ამბავს გადაჰყვა ჩემი მეუღლეც, ამდენი გასაჭირი ვერ აიტანა. რამდენჯერაც ღამე გაეღვიძებოდა საწოლში, ადგებოდა, ღამე დაიწყებდა სიარულს და თავის თავს სამდურავს ეუბნებოდა, რატომ დაგანებეთ, რატომ თავი არ შეგაკალითო. ყველა დავიჩაგრეთ ოჯახში, დიდ-პატარა, ნასახლარს ჰგავს ჩემი სახლიც, ვინც დავრჩით, არაფრის გული არ გვაქვს. მე ასეთი გაუბედურებული ვარ, იმ დღიდან მუშაობაც შევწყვიტე, არაფრის გული არ მაქვს. მესამე დახვრეტა ის იყო, რომ სააკაშვილი უკრაინიდან ტელევიზიით გამოდიოდა და თავზე ლაფს გვასხამდა, შამათავა გმირია, ციხეში რატომ უნდა იჯდესო“, – განაცხადა თამარ არღვლიანმა.
თამარ არღვლიანი საგამოძიებო კომისიაში – სრული ვიდეო
![პაატა ქარდავას საქმე საგამოძიებო კომისიაზე [სრული ვიდეო]](https://api.stv.ge/uploads/2025/06/ჰლკ-960x536.png)
![დავით სერგეენკომ ზუგდიდში ექიმებთან გაფართოებული შეხვედრა გამართა [ვიდეო]](https://api.stv.ge/uploads/null)