დღეიდან 11 აპრილამდე წვიმიანი ამინდია ნავარაუდევი
08.04.2025 / 8 აპრილი 2025
გარემოს ეროვნული სააგენტოს ცნობით, დღეიდან 11 აპრილამდე საქართველოში იწვიმებს, ზოგან ძლიერი წვიმაა ნავარაუდევი, მაღალ მთაში შესაძლოა მოთოვოს კიდეც, სინოპტიკოსები ასევე ვარაუდობენ დასავლეთის მიმართულების ქარის გაძლიერებას, ზღვაზე კი 4-5 ბალიანი შტორმია ნავარაუდევი.
სააგენტო მოსახლეობას აფრთხილებს, რომ მოსალოდნელმა ძლიერმა წვიმებმა შესაძლებელია მდინარეებზე წყლის დონეების მნიშვნელოვანი მატება, ხოლო პატარა მდინარეებზე წყალმოვარდნები გამოიწვიოს, ქვეყნის მაღალმთიან რაიონებში შესაძლებელია ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება.
