ირაკლი კობახიძე: შსს ამ შემთხვევაშიც იმოქმედებს არა ევროპული სტანდარტებით, არამედ ევროპულსა და ამერიკულზე მაღალი სტანდარტებით, რითაც დღევანდელი შსს განსხვავდება, მაგალითად მერაბიშვილისა და გახარიას მოქმედებებისგან
ჩვენ უნდა გავყვეთ საზოგადოების უმრავლესობის ნებას, რასაც წყვეტს უმრავლესობა, თან მით უმეტეს, რომ ეს არის რაციონალური გადაწყვეტილება, ის გადაწყვეტილება უნდა იყოს ასახული პარლამენტის მიერ გამოცემულ აქტში, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ ბრიფინგზე განაცხადა.
როგორც ირაკლი კობახიძემ აღნიშნა, შინაგან საქმეთა სამინისტრო იმოქმედებს არა ევროპული სტანდარტებით, არამედ ევროპულზე და ამერიკულზე მაღალი სტანდარტებით, ეს არის დღევანდელი ხელისუფლების ხელწერა.
„შინაგან საქმეთა სამინისტრო ყველაფერს გააკეთებს იმისთვის, რომ მოხდეს ძალადობის პრევენცია, თუმცა შეუძლებელია ამის სრულად გამორიცხვა, თუ ძალადობა არის დაგეგმილი, ყველაფერს გააკეთებენ შესაბამისი რადიკალური ძალები იმისთვის, რომ ეს ძალადობა განხორციელდეს. მთავარია, შინაგან საქმეთა სამინისტრო ამ შემთხვევაშიც იმოქმედებს არა ევროპული სტანდარტებით, არამედ ევროპულზე და ამერიკულზე მაღალი სტანდარტებით, ეს არის დღევანდელი ჩვენი ხელისუფლების ხელწერა და კონკრეტულად სამართალდამცველი ორგანოების, რითაც განსხვავდება დღევანდელი შსს, მაგალითად მერაბიშვილის და გახარიას მოქმედებებისგან. ეს არის სტანდარტი, რომელიც აუცილებლად იქნება დაცული შსს-ს მიერ ყველაფერი გაკეთდება პრევენციისთვის“, – განაცხადა პრემიერ-მინისტრმა.
მისივე თქმით, მაღალი კვალიფიკაციით გამორჩეულმა გუნდმა ჩაატარა სოციოლოგიური კვლევა, რომლის მიხედვითაც 80%-ზე მეტი მხარს უჭერს არასამთავრობო ორგანიზაციების საქმიანობის გამჭვირვალობას.
„რაც შეეხება უმრავლესობას და უმცირესობას, ჩვენ ჩავატარეთ სოციოლოგიური კვლევა ეს კვლევა ჩაატარა ერთ-ერთმა კომპეტენტურმა, მე არ დავასახელებ, შეგიძლია, დაახლოებით თქვენ ივარაუდოთ ვისთან შეიძლება, ჩვენ ვმუშაობდეთ, მაგრამ ეს არის ერთ-ერთი მაღალი კვალიფიკაციით გამორჩეული გუნდისგან შემდგარი ორგანიზაცია.
კიდევ ერთხელ გავიმეორებ, 80%-ზე მეტი მხარს უჭერს არასამთავრობო ორგანიზაციების საქმიანობის გამჭვირვალობას, როცა უშუალოდ კანონთან დაკავშირებით დაისვა კითხვა, ზუსტად 61% დაფიქსირდა მხარდაჭერა ამ შემთხვევაში, შესაბამისად ყველა ვხედავთ, სად არის საზოგადოების მხარდაჭერა.
რაც შეეხება აქციებს, მინდა შეგახსენოთ, რომ ჩვენს აქციაზე იგივე გუშინდელთან შედარებით, რამდენჯერმე მეტი ადამიანი იყო გამოსული, რაც ასევე აჩვენებს თანაფარდობას. აქედან გამომდინარე, ცალსახად შეიძლება იმის თქმა, რომ ჩვენ უნდა გავყვეთ საზოგადოების უმრავლესობის ნებას, რასაც წყვეტს უმრავლესობა, თან მით უმეტეს, რომ ეს არის რაციონალური გადაწყვეტილება, ის გადაწყვეტილება უნდა იყოს ასახული პარლამენტის მიერ გამოცემულ აქტში“, – განაცხადა ირაკლი კობახიძემ.
მსგავსი სიახლეები
ირაკლი კობახიძე: ყველა საკითხზე მოხდება ოპერატიული რეაგირება, იქნება ეს ძალადობა თუ მუქარა, გამოძიებას საქართველოში აქვს ევროპულზე და ამერიკულზე მაღალი სტანდარტი
ირაკლი კობახიძე: როცა კეზერაშვილმა დაიწყო საქართველოში „ქოლცენტრების“ ბიზნესი, გახარია ჯერ შს მინისტრი იყო და მოგვიანებით პრემიერი. გამოდის, რომ გახარიას სცოდნია ყველაფერი და საკუთარი თავი უნდა გამოიძიოს
