ფოთის მერი საქართველოს პირველი ეროვნული ჩემპიონატის დაწყების თარიღს ეხმაურება
ფოთის მერი საქართველოს პირველი ეროვნული ჩემპიონატის დაწყების თარიღს ეხმაურება
ზუსტად 34 წლის წინ – 1990 წლის 30 მარტს დამოუკიდებელი საქართველოს პირველი ეროვნული ჩემპიონატი დაიწყო. გახსნით მატჩში ერთამანეთს თბილისის იბერიას სახელით მოასპარეზე დინამო თბილისი და ფოთის კოლხეთი-1913 დაუპირისპირდნენ. მატჩი ფოთელთა გამარჯვებით 0:1 დასრულდა.
ისტორიულ თარიღს ფოთის მერი ბექა ვაჭარაძე სოციალურ ქსელში ეხმაურება:
,,საქართველოს ეროვნული ჩემპიონატი 34 წლისაა. 1990 წელს „დინამო არენაზე“, საქართველოს პირველი ეროვნული ჩემპიონატის, პირველი შეხვედრა გაიმართა.
ერთმანეთს თბილისის იბერიას სახელით მოასპარეზე დინამო თბილისი და ფოთის კოლხეთი დაუპირისპირდნენ.
მატჩი ფოთის „კოლხეთი “-ის გამარჯვებით 0:1 დასრულდა.
ვულოცავ ყველას ამ ისტორიულ თარიღს.
ასევე, მინდა მივულოცო ჩვენს გუნდს კიდევ ერთი მნიშვნელოვანი გამარჯვება. გუშინ , 29 მარტს, ეროვნული ლიგის მეხუთე ტურში ფოთის ,,კოლხეთმა 1913″-მა „თელავს“ უმასპინძლა და ანგარიშით 3:1 გაიმარჯვა.
მამუკა ჯუღელი ამ ისტორიულ თამაშში ფოთის კოლხეთის შემადგენლობაში იყო და მიხარია, რომ დღეს, მისი, კლუბის ახალი ხელმძღვანელობის და ჩვენი გუნდის ერთობლივი ძალისხმევით, დიდი ისტორიის მქონე „კოლხეთი 1913“-ს ძველი დიდება უბრუნდება და გუნდი კიდევ უფრო დიდი მიზნებისთვის იბრძოლებს.
ერთად ბევრ გამარჯვებას ვიზეიმებთ” -ნათქვამია ფოთის მერის განცხადებაში.
მსგავსი სიახლეები
ეროვნული პარკის მიერ გამართულ პრეზენტაციას ფოთის მერი დაესწრო
ფოთის მერი: ტრადიციებსა და ღირებულებებზე დაფუძნებული ოჯახი ნიშნავს ძლიერ საქართველოს
