ბედნიერების კვირეული დასრულდა – ფონდი შედეგებზე ინფორმაციას ავრცელებს
ბედნიერების ფონდის მიერ ბედნიერების საერთაშორისო დღისადმი მიძღვნილი ბედნიერების კვირეული წარმატებით ჩატარდა. ინფორმაციას თავად ფომდი ავრცელებს:
„კვირეულის მიზანი იყო: ბავშთა ჰოსპისის ,,ციცინათელების ქვეყანა“ თანადგომა, რომელიც ემსახურება 0 დან 18 წლამდე ქრონიკული და უკურნებელი სენით დაავადებულ ბავშვებს
საზოგადოების გათვითცნობიერებისა და პრაქტიკულად სასარგებლო ცოდნის გაზიარების ხელშეწყობა იმისათვის, რომ ადამიანებს კარგად ეგრძნოთ თავი და არა მხოლოდ განეცადათ ბედნიერება, არამედ ვებინარებზე მონაწილეობით გამხდარიყვნენ სხვებისთვის სიკეთისა და ბედნიერების განცდის გამცემი.
შემოწირულობა დღეის მონაცემებით შეადგენს 1897 ლარს, თუმცა ორი დღე კიდევ ირიცხება თანხები და რაც კვირეულის ფარგლებში შევძელით, ეს სიკეთეა.
იმ გამოხმაურებიდან და მადლობის წერილებიდაც, რასაც ვიღებთ, ასობით ადამიანს მივანიჭეთ ბედნიერების, სიამოვნებისა და სიხარულის განცდა და ესეც ის სიკეთეა, რაც ამ ვებინარებით შევძელით.
გამოუთქმელი მადლობა თითოეულ სპიკერს:
გიგი თევზაძეს, ფილოსოფოსს, 4D კვლევითი ინსტიტუტის დირექტორს; ნინი ჭაჭიას, პრაქტიკოს ფსიქოლოგს, ფსიქოთერაპევტს, სერთიფიცირებულ ქოუჩს, კრიტიკული აზროვნების სკოლის დამფუძნებელსა და NLP ტრენერს; ზურა მხეიძეს, ფსიქოლოგს;
ნათია ფანჯიკიძეს, ფსიქოლოგს, ფსიქო-სოციალური რეაბილიტაციის ცენტრის „კამარას“ დამფუძნებელსა და თერაპიის პროგრამის ხელმძღვანელს, ამერიკული კლინიკის საერთაშორისო ქსელის „ლივინგ მუზეუმის“ წარმომადგენელს საქართველოში;
ნუციკო დეკანოზიშვილს (ნინო გოგიაშვილს), ფილოლოგიის დოქტორს, პოეტს, იაკობ გოოგებაშვილის სახელობის თელავის სახელმწიფო უნივერსიტეტის ასოცირებულ პროფესორს; არქიმანდრიტ დოროთე ყურაშვილს კვირეულის ვებინარებში უანგარო მონაწილებისა და თანადგომისთვის.
მადლობა თითოეულ შემომწირველსა და მონაწილეს მხარდაჭერისთვის.
მადლობა სამეგრელოს რეგიონში პირველ პიარ, მარკეტინგულ და ივენთ კომპანიას Dadiani Production -სა და საინფორმაციო სააგენტო STV.GE -ს პარტნიორობისთვის, ტექნიკური და საინფორმაციო მხარდაჭერისთვის.
სოციალური მხარდაჭერა ბედნიერების ინდექსის ერთ-ერთი მაჩვენებელია და დიახ, სწორედ თქვენი მხარდაჭერით შედგა ბედნიერები კვირეული.
თუ ვინმეს ექნება სურვილი ამ ორი დღის განმავლობაში გახდეს სიკეთის გაზიარების თანამონაწილე, ამის შესაძლებლობა ექნება აქ: GE85LB0111162834674000 დანიშნულებაში ჩაწერეთ „შემოწირულობ მიმღები ბედნიერების ფონდი“ წერია ფონდის მიერ გავრცელებულ განცხადებაში.
