პრეზიდენტს აფხაზეთთან დაკავშირებით განცხადების გამო აკრიტიკებენ – ზურაბიშვილის პასუხი
საქართველოს პრეზიდენტის სალომე ზურაბიშვილის მიერ სოციალურ ქსელში ოკუპირებულ აფხაზეთთან დაკავშირებით გაზიარებული პოსტი მისი კრიტიკის საგანი გახდა. ზურაბიშვილმა გააზიარა პოსტი რომელიც ეხებიდა ოკუპირებული აფხაზეთის ე.წ. სასამართლოს მიერ ბიჭვინთის აგარაკების მესამე პირებისთვის გადაცემის აკრძალვის შესახებ კანონის გაუქმებისთვის მხარის არ დაჭერას.
ზურაბიშვილმა დაწერა: დამოუკიდებლობის მაგალითი აფხაზ მოსამართლეებისგან …
ზურაბიშვილის ეს განცხადება საზიგადოების ნაწილისგან შეფასდა როგორც ოკუპირებული აფხაზეთის ე.წ. სასამართლოს ერთგვარი აღიარება, რის გამიც მისმა ოპონენტებმა პრეზიდენტს ბოდიშის მოხდისკენ მოუწოდეს.
,,დაუყოვნებლივ მოვუწოდებდი საქართველოს პრეზიდენტს, გადახედოს საკუთარ პოზიციას და საზოგადოების წინაშე წარდგეს ღირსეულად. ვფიქრობ, ბოდიშიც უნდა მოიხადოს”, – ამის შესახებ საპარლამენტო უმრავლესობის წევრმა, დიასპორისა და კავკასიის საკითხთა კომიტეტის თავმჯდომარემ, ბექა ოდიშარიამ პრეზიდენტ სალომე ზურაბიშვილთან დაკავშირებით განაცხადა.
მოგვიანებით პრეზიდენტის ოფიციალურ გვერდზე აღნიშნულ საკითხთან დაკავშირებით განმარტება გავრცელდა:
,,ოკუპირებულ აფხაზეთში ე.წ. სასამართლოს მიერ ბიჭვინთის აგარაკების მესამე პირებისათვის გადაცემის აკრძალვის შესახებ კანონის არ გაუქმების გადაწყვეტილებაზე პრეზიდენტის სიტყვების ინტერპრეტირება არის საზოგადოების შეგნებულად შეცდომაში შეყვანა და პრეზიდენტის დისკრედიტაციის კიდევ ერთი მცდელობა” – წერია გარცელებულ განცხადებაში.
ამავე თემაზე:
მსგავსი სიახლეები
საპატრიარქო ზურაბიშვილის განცხადებას აქციებზე სკოლის მოსწავლეთა ჩართვასთან დაკავშირებით შემაშფოთებელს უწოდებს
ზუგდიდში შშმ პირთა დაცვის დღესთან დაკავშირებით დაგეგმილი ღონისძიებები უამინდობის გამო გადაიდო
