სამეგრელო-ზემო სვანეთში ახალი სოციალური პროგრამა განიხილეს, რომელიც მძიმე საყოფაცხოვრებო პირობებში მყოფი მრავალშვილიანი ოჯახებისთვის საცხოვრებლის გადაცემას ითვალისწინებს
სამეგრელო-ზემო სვანეთში უსახლკარო, მძიმე საცხოვრებელ პირობებში მყოფი მრავალშვილიანი ოჯახების განსახლების მიზნობრივი სახელმწიფო პროგრამის ფარგლებში, დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლებმა გასვლითი სამუშაო შეხვედრა გამართეს.
შეხვედრის მიზანს წარმოადგენდა უსახლკარო, მძიმე საცხოვრებელ პირობებში მყოფი მრავალშვილიანი ოჯახების განსახლების მიზნობრივი სახელმწიფო პროგრამის გაცნობა, რომლის ფარგლებში, ქვეყნის მასშტაბით, 1000-მდე ოჯახს სახელმწიფო ახალ საცხოვრებელ ფართებს გადასცემს.
საქართველოს მთავრობის გადაწყვეტილებით, უსახლკარო, მძიმე საცხოვრებელ პირობებში მყოფ 1000-მდე სოციალურად დაუცველ ოჯახს, რომლებსაც 3 ან მეტი არასრულწლოვანი ჰყავთ, მთელი ქვეყნის მასშტაბით, საცხოვრებელი ფართები გადაეცემათ.
პროგრამა 2025 წლის ბოლომდე გაგრძელდება და მისი ჯამური ბიუჯეტი 50 000 000 ლარს შეადგენს.
სამეგრელო-ზემო სვანეთში გამართულ, სამუშაო შეხვედრას, რეგიონის სახელმწიფო რწმუნებულის პირველი მოადგილე ნინო ვიბლიანი, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორის მოადგილე დავით გურამიშვილი, დეპარტამენტის ხელმძღვანელი ზურაბ ზვიადაძე, სამმართველოს უფროსი თენგიზ ყურაშვილი, სამეგრელო-ზემო სვანეთის, გურიისა და აჭარის რეგიონალური სამსახურის უფროსი ზურაბ ეგუტია, რეგიონში შემავალი მუნიციპალიტეტების მერები და შესაბამისი სამსახურების წარმომადგენლები დაესწრნენ.
![სად რა იგეგმება 26 მაისს სამეგრელო-ზემო სვანეთში [სრული პროგრამა]](https://api.stv.ge/uploads/2024/05/03622c1d-7cd1-46a9-afd1-6b852d03f4e4-960x390.jpg)
![რა ღონისძიებები ჩატარდება მთავრობის ადმინისტრაციის ორგანიზებით სამეგრელო-ზემო სვანეთში [საახალწლო პროგრამა]](https://api.stv.ge/uploads/2022/12/WhatsApp-Image-2022-12-16-at-12.19.29-960x640.jpeg)