სენაკსა და ქუთაისში ტექნოლოგიური პარკი გაიხსნება
ტექნოლოგიების სააგენტოს ხელმძღვანელის ავთანდილ კასრაძის განცხადებით, წელს ტექნოლოგიური პარკი სენაკსა და ქუთაისში გაიხსნება.
მისი თქმით, მნიშვნელოვანია, რომ ინოვაციური სერვისები ხელმისაწვდომი იყოს საქართველოს თითოეული მოქალაქისთვის.
„იმ რეგიონებში, სადაც გვაქვს ტექნოლოგიური პარკები, ვხედავთ, რომ უფრო მაღალ დონეზეა მომწიფებული სიტუაცია, სადაც ადამიანებს აქვთ ინოვაციური იდეები, იციან როგორ მიაღწიონ წარმატებას გლობალურ კონკურენციაში. ჩვენ 8 ტექნოლოგიური პარკი უკვე გვაქვს და რამდენიმე კვირაში სენაკში გავხსნით ტექნოლოგიურ პარკს და ასევე, წელს ტექნოლოგიური პარკს გავხსნით ქუთაისშიც. შეიძლება ითქვას, რომ შეიცვლება ის ცენტრები საქართველოს გარშემო, საიდანაც ჩვენ მივიღებთ ინოვაციურ იდეას. ჩვენ გავაგრძელებთ, რომ თითოეულ რეგიონში იყოს ცალკე საგრანტო კონკურსი“, – განაცხადა ავთანდილ კასრაძემ გადაცემა “ბიზნესპარტნიორთან”.
