კობახიძე: კანდიდატის სტატუსის მინიჭება 12-ვე პუნქტის 100%-ით შესრულებას საერთოდ არც კი მოითხოვს, მეტიც უკრაინასა და მოლდოვას შარშან უკვე მიენიჭა კანდიდატის სტატუსი და მათაც ასეთივე პუნქტები დაუდგინეს
რაც შეეხება კანდიდატის სტატუსის შესაძლო არმიღებას, რა თქმა უნდა, ეს იქნება ცუდი სიგნალი რუსეთისთვის. შარშან ივნისშიც ეს იყო ცუდი სიგნალი და წელსაც, თეორიულად რომ დავუშვათ ასეთი გადაწყვეტილება, ბუნებრივია, ეს იქნება ძალიან ცუდი სიგნალი. აქედან გამომდინარე, დიდი იმედი გვაქვს, რომ პოზიტიური სიგნალი იქნება გაგზავნილი ყველა შესაბამისი სუბიექტისთვის, როგორც მოყვრისთვის, ასევე არამოყვრისთვის, – ამის შესახებ „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კობახიძემ პარლამენტში გამართულ პრესკონფერენციაზე განაცხადა.
„იქნება თუ არა ეს პოლიტიკური გადაწყვეტილება? შინაარსით ეს იქნება პოლიტიკური გადაწყვეტილება. თავიდან იქნება წარმოდგენილი ევროკომისიის ანგარიში შესრულებასთან დაკავშირებული, მინდა შეგახსენოთ, რომ 12-ვე პუნქტის სრულ შესრულებას საერთოდ არც კი მოითხოვს კანდიდატის სტატუსის მინიჭება. უფრო მეტიც, უკრაინასა და მოლდოვას შარშან უკვე მიენიჭა კანდიდატის სტატუსი და მათაც ასეთივე პუნქტები დაუდგინეს. იმ შემთხვევაშიც თქვეს, რომ ანალოგიურად დაახლოებით 75% არის შეუსრულებლობა, თუ ხისტად გავყვებით, მაგრამ მათ უკვე მინიჭებული აქვთ კანდიდატის სტატუსი. ასეთი მოთხოვნა არც კი დაუყენებია ვინმეს, რომ 100%-ით უნდა შესრულდეს 12-ვე პრიორიტეტი, რათა საქართველოს მიენიჭოს კანდიდატის სტატუსი. მიუხედავად ამისა, ჩვენ მაქსიმალურად დეტალურად გავყევით 12-ვე პუნქტს და ეს იყო ჩვენი ამოცანა, რომ შეგვექმნა მაქსიმალური საფუძველი კანდიდატის სტატუსის მონიჭებისთვის. გადაწყვეტილება იქნება პოლიტიკური, ერთი რისკი ისაა, რომ არის 27-ვე ქვეყანა და სრული კონსენსუსით უნდა მიიღონ გადაწყვეტილება. საკმარისია, ერთი ქვეყანა გადგეს განზე, რომ ჩვენ კანდიდატის სტატუსი არ მოგვენიჭოს. პოლიტიკური რისკები საკმაოდ მაღალია, მაგრამ დავიტოვოთ იმედი, რომ შარშანდელი ივნისისგან განსხვავებით, წელს მიღებული იქნება სამართლიანი გადაწყვეტილება“, – აღნიშნა კობაძიძემ.
მსგავსი სიახლეები
ირაკლი კობახიძე: როდესაც პრეზიდენტი აცხადებს, რომ საქართველოს ხელისუფლება მხოლოდ ფორმალურად ასრულებს ევროკავშირის მოთხოვნებს და არ იმსახურებს კანდიდატის სტატუსს, ეს არის პირდაპირი ლობირება კანდიდატის სტატუსის წინააღმდეგ
შალვა პაპუაშვილი: ომი არც 7 აგვისტოს დაწყებულა და არც 12 აგვისტოს დასრულებულა, ომი დაიწყო 1801 წელს საქართველოს ოკუპაციით და გრძელდება მანამ, სანამ საქართველოს ერთი სანტიმეტრი მაინც იქნება ოკუპირებული
