ირაკლი კობახიძე: დღეს საქართველო არის სუვერენული სახელმწიფო, შესაბამისად, დღეს, წინა ხელისუფლებისგან განსხვავებით, პრემიერს ვერავინ ვერსად ვერ დაიბარებს და ვერავითარ წამზომს ვერ ჩაურთავს
გზავნილი, რომელიც შეიმუშავა რადიკალურმა ოპოზიციამ თავისი ტელევიზიებით, რომ პრემიერ-მინისტრი გერმანიის კანცლერმა დაიბარა, მეტყველებს კოლექტიური „ნაცმოძრაობის“ დამოკიდებულებაზე საკუთარი ქვეყნის მიმართ, – ამის შესახებ ჟურნალისტებს „ქართული ოცნების“ თავმჯდომარემ, ირაკლი კობახიძემ განუცხადა.
„.როცა ასე უყურებ საკუთარ ქვეყანას, რომ შენი პრემიერ-მინისტრი შეიძლება გერმანიის კანცლერმა დაიბაროს და შემდეგ წამზომი ჩაურთოს და ა.შ., ეს არის მათი დამოკიდებულება საკუთარი ქვეყნის მიმართ. კოლექტიური „ნაცმოძრაობა“ თავისი პარტიებით, „ენჯეოებით“ და ტელევიზიებით არის უცხოური აგენტურა. უცხოელი აგენტები არიან და სწორედ ამიტომ ფიქრობენ, რომ ვიღაცამ შეიძლება დაიბაროს საქართველოს პრემიერ-მინისტრი. თავის დროზე, 2008 წელს იბარებდნენ სააკაშვილს და რაღაცებს ავალებდნენ, მაგრამ დღეს საქართველო არის სუვერენული სახელმწიფო, შესაბამისად, დღეს, წინა ხელისუფლებისგან განსხვავებით, პრემიერს ვერავინ ვერსად ვერ დაიბარებს და ვერავითარ წამზომს ვერ ჩაურთავს“, – აცხადებს კობახიძე.
მსგავსი სიახლეები
ირაკლი კობახიძე: ჩვენ გვაქვს ჩვენი პოლიტიკური ბუნება და ეს არის ჰუმანური, განსხვავებით იგივე წინა ხელისუფლებისგან. ჩვენ შეგვეძლო გარკვეული პროცესების გაგრძელება, თუმცა ყველაფერს გავუწიეთ ანგარიში
ირაკლი კობახიძე: ყველა საბოლოოდ დარწმუნდა, რომ ქართული სახელმწიფო არის ძლიერი, როგორც არასდროს და ვერავითარი შანტაჟით ვერავინ შეარყევს ჩვენი სახელმწიფოს სიმტკიცეს
