ზუგდიდის მუნიციპალური ტრანსპორტი ბაღის აღმზრდელებს 50 პროცენტიანი ფასდაკლებით მოემსახურება
ფრაქცია „ქართული ოცნება-დემოკრატიული საქართველოს“ ინიციატივით, ზუგდიდის მუნიციპალურ ტრანსპორტში, სკოლამდელ-სააღმზრდელო დაწესებულებათა თანამშრომლები 50%-იანი ფასდაკლებით ისარგებლებენ.
აღნიშნული გადაწყვეტილების საჭიროება, ფრაქცია ,,ქართული ოცნება- დემოკრატიული საქართველოს”დეპუტატების მოსახლეობასთან შეხვედრებისას გამოიკვეთა.
ცნობისთვის, მუნიციპალურ ტრანსპორტში შეღავათიანი ტარიფები ვრცელდება:
მკვეთრად გამოხატული შეზღუდული შესაძლებლობის მქონე პირებისათვის
უფასო მგზავრობა
ზუგდიდის მუნიციპალიტეტის ტერიტორიაზე მოქმედი სასწავლებლების სტუდენტებისათვის (სასწავლებლის მომართვის საფუძველზე) 50%-იანი ფასდაკლება;
ვეტერანებისა და მათთან გათანაბრებული პირებისათვის 50%-იანი ფასდაკლება;
სოციალურად დაუცველი მოსახლეობის კვებით უზრუნველყოფის პროგრამით გათვალისწინებული მზრუნველობა მოკლებულთა უფასო სასადილოს ბენეფიციარებისათვის – უფასო;
0-10 წლამდე ბავშვებისათვის – უფასო;
სკოლის მოსწავლეებისათვის 50%-იანი ფასდაკლება;
სკოლამდელი-სააღმზრდელო დაწესებულებების თანამშრომლებისათვის 50% – იანი ფასდაკლება;
საპატიო ზუგდიდელებისათვის – უფასო მგზავრობა.
