ზუგდიდის მერის ინიციატივით, ინფექციური საავადმყოფოს მედპერსონალს მუნიციპალური ტრანსპორტი მოემსახურება
ზუგდიდის მუნიციპალიტეტის მერის, გიორგი შენგელიას ინიციატივით, ხვალიდან ინფექციური საავადმყოფოს მედპერსონალს მუნიციპალური ტრანსპორტი მოემსახურება. როგორც ზუგდიდის მერმა STV.GE-ს განუცხადა მედპერსონალს დილის საათებში საავადმყოფოს ტერიტორიამდე ავტობუსი მოემსახურება, ხოლო დღის ბოლოს 5 საათისკენ ქალაქის ტერიტორიაზე გადმოიყვანს.
ცნობისთვის, საგანგებო მდგომარეობის ფარგლებში სამეგრელოს მთელს ტერიტორიაზე მუნიციპალური და საქალაქთაშორისო ტრანსპორტით გადაადგილება აიკრძალა. სამეგრელოში დამატებითი საპოლიციო ძალები იქნება მობილიზებული. ასევე მკაცრად გაკონტროლდება საგანგებო მდგომარეობის ფარგლებში უკვე მოქმედი ყველა შეზღუდვა, მათ შორის სხვადასხვა ობიექტების ფუნქციონირება და შეკრებები. ამის შესახებ საქართველოს პრემიერ-მინისტრის პრესსპიკერმა, ირაკლი ჩიქოვანმა ბრიფინგზე განაცხადა.
მისი თქმით, ასეთი მკაცრი კონტროლი განსაკუთრებით მნიშვნელოვანია აფხაზეთის რეგიონში გართულებული ეპიდემიოლოგიური ვითარების პირობებში.
