სამართალდამცველები პარლამენტთან წყლის ჭავლს ლოკალურად იყენებენ
07.03.2023 / 7 მარტი 2023
სამართალდამცველები პარლამენტთან მიმდინარე აქციაზე წყლის ჭავლს ლოკალურად იყენებენ. მოქალაქეებს აფრთხილებენ, რომ თუ არ დაიშლებიან, მათ მიმართ კანონით გათვალისწინებული ღონისძიებები გამოიყენება.
მანამდე შსს-მ გაავრცელა განცხადება იმის შესახებ, რომ პარლამენტთან მიმდინარე აქციამ ძალადობრივი ხასიათი მიიღო და პოლიცია გამოიყენებს კანონით გათვალისწინებულ პროპორციულ ძალას, მათ შორის, სპეციალურ საშუალებებს.
პარლამენტთან შეკრებილები „ხალხის ძალის“ მიერ ინიცირებულ აგენტების შესახებ ამერიკული კანონის პირველი ვარიანტის პირველი მოსმენით მიღებას აპროტესტებენ.
