ტელეკომპანია „მზე“ საინფორმაციო პროგრამებს და პოლიტიკურ გადაცემებს იწყებს
ტელეკომპანია მზე საერთო მაუწყებელი გახდა, ამის შესახებ განცხადებას ტელეკომპანია საკუთარ ფეიბუქ გვერდზე აქვეყნებს.
„ოფიციალურად ტელეკომპანია მზე საერთო მაუწყებელი გახდა, რაც იმას ნიშნავს, რომ ეთერში შესაძლებელი გახდა, რომ გავიდეს საინფორმაციო პროგრამა „მზერა“ და სხვადასხვა პოლიტიკური თოქშოუ“ – წერია ტელეკომპანიის მიერ გავრცელებულ განცხადებაში.
შეგახსენებთ, რომ ტელეკომპანია მზე 2003 წელს ბიზნესმენმა და პარლამენტის ყოფილმა წევრმა ვანო ჩხარტიშვილმა დააარსა. 2004 წელს ტელეკომპანიის აქციები მაშინდელ პრეზიდენტთან, მიხეილ სააკაშვილთან დაახლოებულმა პირმა, დავით ბეჟუაშვილმა შეიძინა. 2006 წელს არხის წილების 78 პროცენტი ტელეკომპანია რუსთავი 2-მა იყიდა. მზეზე საინფორმაციო გადაცემების გადაცემა შეწყდა და ის მხოლოდ გასართობ არხად იქცა. მაშინდელი ოპოზიციისა და საერთაშორისო ორგანიზაციების განცხადებით, ტელეკომპანია მზის წილების გაყიდვის უკან მაშინდელი მთავრობის პოლიტიკური ინტერესები იდგა.
მსგავსი სიახლეები
სენაკში ნატოსა და ევროკავშირის შესახებ საინფორმაციო ცენტრმა საინფორმაციო შეხვედრა გამართა
ფოთის საკრებულოს თავმჯდომარე: „მინდა გულწრფელი მადლობა გადავუხადო პარტია „ქართულ ოცნებას“, მთელ პოლიტიკურ გუნდს და საკრებულოს წევრებს გამოჩენილი ნდობისა და მხარდაჭერისთვის“
