წარმატებული სენაკელი ახალგაზრდა, 20 წლის ლევან ქავთარაძე, რომელიც ამერიკის ერთ-ერთ ცნობილ უნივერსიტეტში ისწავლის
გაიცანით წარმატებული სენაკელი ახალგაზრდა, 20 წლის ლევან ქავთარაძე, რომელიც ამერიკის ერთ-ერთ ცნობილ უნივერსიტეტში ისწავლის.
ბავშვობიდან გონიერმა და მიზანდასახულმა ყმაწვილმა, მიმდინარე წელს, ნიუჯერსის შტატში, დრიუს უნივერსიტეტის ( Drew University ) ბიზნესის ადმინისტრირების ფაკულტეტზე, 50%-იანი დაფინანსება მოიპოვა.
ლევანმა 2020 წელს დაამთავრა სენაკის კერძო სკოლა ,,მარიოტა“. სკოლის დამთავრების შემდეგ, სწავლა კავკასიის უნივერსიტეტში, ბიზნესის ადმინისტრირების ფაკულტეტზე განაგრძო.
სწავლის პარალელურად, ლევანი, უკვე მესამე წელია Google-ში მუშაობს.
ეს არის ლევანის პირველი წარმატება, მას ასევე მოპოვებული აქვს ინგლისური ენის ხარისხის – Alts და კემბრიჯის საერთაშორისო სერთიფიკატები.
20 წლის ყმაწვილის ოცნება რეალობად იქცა, ის უკვე ნიუჯერსის შტატშია და მისთვის საინტერესო და ნაყოფიერი სტუდენტური ცხოვრებაც დაიწყო.
