შავღელეს ადმინისტრაციულ ერთეულში საჯარო სკოლის სრული რეაბილიტაცია სრულდება
06.12.2021 / 6 დეკემბერი 2021
ხობის მუნიციპალიტეტის შავღელეს ადმინისტრაციულ ერთეულში საჯარო სკოლის სრული რეაბილიტაცია სრულდება. პროექტის სახელშეკრულებო ღირებულება 2 მილიონ 193 ათას ლარს შეადგენს.
სკოლაში განხორციელებული სამუშაოები ხობის მუნიციპალიტეტის მერმა დავით ბუკიამ და მერის პირველმა მოადგილემ რევაზ ზაქარაიამ დაათვალიერეს.პროექტს საქართველოს მუნიციპალური განვითარების ფონდი ახორციელებს.
2019 წელს მერიამ საჯარო სკოლის სახურავის სრული რეაბილიტაცია განახორციელა.
სამშენებლო სამუშაოების დასრულების შემდეგ შავღელეს სკოლაში სასწავლო პროცესი კეთილმოწყობილ და უსაფრთხო გარემოში წარიმართება.
