ფოთის მერობის კანდიდატი : „ ჩვენ ყველანი ერთად, ერთიან და მშვიდობიან ქვეყანაში შევძლებთ ცხოვრებას”
“13 წელი გავიდა 2008 წლის რუსეთ-საქართველოს ომიდან. ეს არის ძალიან მძიმე და ამავდროულად საამაყო დღე, როცა ჩვენ ვიხსენებთ და პატივს მივაგებთ გმირულად დაღუპულთა ხსოვნას. ვუსამძიმრებ დღევანდელ დღეს მთელ საქართველოს და განსაკუთრებით გმირულად დაღუპული ჯარისკაცების ოჯახებს.
დარწმუნებული ვარ, რომ მათი თავგანწირვა უკვალოდ არ ჩაივლის და აუცილებლად ექნება შედეგი. მათი ხსოვნის წინაშე ჩვენი ვალია – არ შევეგუოთ და ვებრძოლოთ ოკუპაციას განათლებით, გონიერებით, ეკონომიკური განვითარებით, წინსვლით. ჩვენ აუცილებლად დავიბრუნებთ ჩვენს დაკარგულ ტერიტორიებს. ჩვენ ყველანი ერთად, ერთიან და მშვიდობიან ქვეყანაში შევძლებთ ცხოვრებას”-განაცხადა ფოთის საკრებულოს თავმჯდომარე ბექა ვაჭარაძემ 8 აგვისტოს ომში დაღუპულთა ხსოვნის მემორიალთან სიტყვით გამოსვლისას.
ფოთში 2008 წლის აგვისტოს ომში დაღუპულების ხსოვნას ადგილობრივი ხელისუფლების წარმომადგენლებმა პატივი მიაგეს. ადმინისტრაციულ შენობებზე დაშვებულია სახელმწიფო დროშები. 8 აგვისტოს მოვლენებმა ფოთის 11 მოქალაქის სიცოცხლე იმსხვერპლა. დაშავდა 80-მდე ადამიანი.
მსგავსი სიახლეები
ფოთის მერობის კანდიდატი: „ ჩვენ ერთად შევძლებთ ყველა პრიორიტეტული პროგრამის განხორციელებას, რაც მნიშვნელოვნად შეუწყობს ხელს ფოთის მოსახლეობის პირობების გაუმჯობესებას”
ირაკლი ღარიბაშვილი: ჩვენ ერთად გავიმარჯვეთ და ერთად დავამარცხეთ ჩვენი ქვეყნის შიდა თუ გარე მტრები, ასევე, თავიდან ავიცილეთ მთავარი განსაცდელი – ომი და უბედურება
