სენაკის მუნიციპალიტეტში საგზაო ინფრასტრუქტურული პროექტები მუდმივ რეჟიმში ხორციელდება
31.03.2021 / 31 მარტი 2021
თეკლათის ადმინისტრაციული ერთეულიდან მენჯის ადმინისტრაციული ერთეულის სოფელ ბათარიასკენ მიმავალი გზის ასფალტირების პირველი ეტაპის სამუშაოები მიმდინარეობს.
პროექტის ღირებულება 383 413 ლარს შეადგენს; მათ შორის – 2021 წელს შესასრულებელი სამუშაოების ღირებულებაა – 356 642 ლარი, 2022 წლის – 26 771 ლარი.
სამუშაოებს სს ,,არქეოპოლისი“ ახორციელებს.
საგზაო ინფრასტრუქტურის განახლების პროცესი ასევე უწყვეტ რეჟიმში მიმდინარეობს ქალაქად და სოფლად, მუნიციპალიტეტის თითქმის ყველა ლოკაციაზე.
ბოლო წლების მანძილზე, სენაკის მუნიციპალიტეტის მასშტაბით, რეაბილიტაცია ჩაუტარდა და ამ ეტაპზე უტარდება ისეთ გზებს, რომლებსაც ათწლეულებია აღდგენითი სამუშაოები არ ჩატარებია. ეს ეხება როგორც მუნიციპალურ, ასევე შიდა სახელმწიფოებრივი მნიშვნელობის გზებს.
