რატომ უპირისპირდებიან პარტიის თავმჯდომარეს ვაშაძეს და დამფუძნებელს სააკაშვილს ზუგდიდელი ნაციონალები?!
- ,,ნაციონალური მოძრაობის“ თავმჯდომარის გრიგოლ ვაშაძის განცხადებას, მოლაპარაკების მაგიდასთან დასხდომასა და ქუჩის საკანონმდებლო ორგანოს ტრიბუნით ჩანაცვლებაზე, უარყოფითი შეფასებები მოყვა ზუგდიდში.
პარტიის ადგილობრივი ორგანიზაციის ხელმძღვანელის ანა წითლიძის და აქტიური მხარდამჭერის მაია კალანდიას მხრიდან. მოგვიანებით გრიგოლ ვაშაძის მიერ გაკეთებულ განმარტებას, სადაც ის პროტესტის პარალელურად მოლაპარაკებების მაგიდასთან დასხდომაზე საუბრობს, პარტიის დამფუძნებელი და ექსპრეზიდენტი მიხეილ სააკაშვილი გამოეხმაურა, მან ფეისბუქზე გრიგოლ ვაშაძის პოსტი გააზიარა და დაწერა რომ „მთლიანად ვეთანხმები“.
,, მე კორექტულად ვერ მაგრამ საჯაროდ გეტყვით Gregory Vashadze – ფეხებზე მკიდია რა განცხადება გააკეთეთ ან რა მიზეზი გქონდათ. პარლამენტში კი არა სახლში ვერ დაჯდებით მშვიდად” – წერს ენმ-ის თავმჯდომარეს, ამავე პოლიტიკური ორგანიზაციის ზუგდიდის რაიონული ოფისის თავმჯდომარე ანა წითლიძე.
წითლიძისგან განსხვავებით, კორექტულობას ვერ იცავს მაია კალანდია, რომელიც ამავე ორგანიზაციის ერთ-ერთი ყველაზე აქტიური მხარდამჭერია: ,, გააჯვას თავისი პოლიტკორექტული ულვაშებით და დაუაროს კრემლში… არც გრიგოლ ვაშაძე და არც ნებისმიერი სხვა ვინმე პარტიული პირი, ვერ განსაზღვრავს ჩემს მომავალს და დამოკიდებულებას ჩემი არჩევანის მიმართ. მოსკოვისკენ ბილეთების შოვნა არა მგონია გაგიჭირდეთ და გააჯვით! მოაშორეთ ეს თავგარიხვინებული ნაციონალურ მოძრაობას!“ – წერს კალანდია ფეისბუქში.
