ჩქვალერში საჯარო სკოლის სრული სარეაბილიტაციო სამუშაოები მიმდინარეობს
21.10.2020 / 21 ოქტომბერი 2020
- ჩქვალერში საჯარო სკოლის სრული სარეაბილიტაციო სამუშაოები მიმდინარეობს. ჩქვალერის ადმინისტრაციულ ერთეულში აკადემიკოს ეგნატე ფიფიას სახელობის 120 მოსწავლეზე გათვლილი საჯარო სკოლის სარეაბილიტაციო სამუშაოები მიმდინარეობს.
ტენდერი საქართველოს მუნიციპალური განვითარების ფონდმა გამოაცხადა, სამუშაოებს ტენდერში გამარჯვებული შპს „გლობალსერვისი+“ ასრულებს, პროექტის ღირებულება 1 799 500 ლარია.
პროექტი 2021 წელს წელს დასრულდება და ჩქვალერს ახალი ინვენტარითა და ტექნიკით აღჭურვილი თანამედროვე სტანდარტების შესაბამისი სკოლა ექნება. სკოლას ექნება სასწავლო ლაბორატორია და სპორტული მოედანი, შენობა ადაპტირებული იქნება შშმ პირებზე.
2020 წელს დასრულდა საჯარო სკოლის მშენებლობა სოფელ ეწერში, გარდა ამისა, მუნიციპალიტეტის მასშტაბით 28 საჯარო სკოლაში ჩატარდა სარემონტო სამუშაოები, მთლიანად განახლდა სველი წერტილები, საპირფარეშოები, მოეწყო პანდუსები. ამავდროულად ქალაქ წალენჯიხაში, ნაკიფუ-ლეჟასა და სოფელ კანთში მიმდინარეობს 3 ახალი სკოლის მშენებლობა.
მსგავსი სიახლეები
გიორგი ამილახვარი: 2022-2023 წლებში განხორციელდა 71 საჯარო სკოლის მშენებლობა/სრული რეაბილიტაციის სამუშაოები, ხოლო 200 საჯარო სკოლაში ნაწილობრივი სარეაბილიტაციო სამუშაოები ჩატარდა
ხაბუმეს პირველი საჯარო სკოლის მოიდანახის კორპუსის სარეაბილიტაციო სამუშაოები მიმდინარეობს
